TIRANË- Gjykata e Posaçme cakton seancën paraprake për ish-kryeministrin Sali Berisha, dhëndrin e tij Jamarbër Malltezi dhe 3 të pandehurit e tjerë, të akuzuar për aferën korruptive të dosjes së kompleksit “Partizani”.
Seanca paraprake do të mbahet më 24 Tetor në GJKKO, në orën 12:00, nga gjyqtarja Flojera Davidhi. Berisha akuzohet për “korrupsion pasiv” dhe bëhet ish-kryeministri i parë që shkon në gjykatë për këtë vepër penale. GJKKO do shqyrtojë materialet dhe do vendosë nëse do e kalojë dosjen për gjykim.
Dhëndri Malltezi akuzohet për korrupsion dhe pastrimin e parash. Ndërkohë, të pandehur janë edhe ndërtuesi Fatmir Bektashi, për korrupsion aktiv korrupsion, si edhe Xhimi Begeja dhe financierja Andia Pustina, për pastrim parash.
Pas katër vitesh hetime për aferën Partizani, SPAK ka dërguar dosjen me 5 të pandehur në GJKKO, ku kërkon nisjen e gjykimit. Në Gjykatën e Posaçme u hodh më 16 Tetor edhe shorti për të caktuar gjyqtaren e seancës paraprake. Flojera Davidhi do të marrë në shqyrtim dosjen me 333 fashikuj për të vendosur nëse dosja kalon apo jo për gjykim.
Report TV mëson se dosja ‘Partizani’ është ndarë me fraksion, që do të thotë do vijojnë hetimet për çështjen tjetër, atë të pasurisë së familjes së ish-kryeministrit 'non grata' Sali Berisha dhe përfitimet që mund të kenë familjarët e tij, si me rastin e vendimeve të Berishës për marrjen e truallit të Kompleksit Partizani dhe ndërtimin e 19 kullave nga dhëndri i tij.
Biznesmeni Fatmir Bektashi është i pandehur për “korrupsion aktiv” dhe “pastrim parash”, Xhimi Begeja, trashëgimtar i tokës dhe bashkëpronar i 'Homeplan' dhe Andia Pustina, financiere që kryente të gjitha operacionet financiare dhe ligjore të Homeplan janë në akuzë për pastrim parash.
Lajme të tjera
-
Mero Baze: Mosbindja civile ka ndarë popullin opozitar nga Berisha
17 Tetor, 21:25
-
'Fantazma e 21 Janarit në mendjen e Berishës', ironizon Mero Baze: Tani spraj i Gardës i duket pistoletë, atëherë automatiku i dukej çadër
17 Tetor, 16:52 -
Masakra e Gërdecit/ Mediu pas seancës gjyqësore: Qëndrimi i ekspertëve mbi përfitimet nga demontimi janë të pakuptimta
17 Tetor, 16:37
-
U dënua me 2 vite shërbim prove, Gjykata e Lartë prish vendimin e Apelit për ish-gjyqtaren Zamira Vyshka dhe kthen çështjen për rigjykim me trupë tjetër
17 Tetor, 16:25
-
Akuzohet për fshehje pasurie, ish- gjyqtari i Gjykatës Kushtetuese dënohet me 9 muaj burg! Dënimi i Fatos Lulos konvertohet në 80 orë punë në komunitet
17 Tetor, 15:16
-
E ngarkuara me punë e SHBA 1 orë takim me Dumanin: Vlerësojmë arritjet, SPAK ka nevojë për mbështetje
17 Tetor, 14:15 -
Itali/ Pastronte paratë e grupit “Çopja”, arrestohet në Romë për ekstradim i kërkuari Klajdi Merkaj! Detajet e dosjes
17 Tetor, 11:41 -
Caktohet gjyqtarja në GJKKO për Berishën, Çaça: Ka marrë vendime të guximshme! Beqiri zbulon: 333 fashikujt e sjellë nga SPAK, janë 120 mijë faqe
16 Tetor, 21:34 -
Afera Partizani/ Kush është Flojera Davidhi, gjykatësja që do të vendosë për gjykimin e ish-kryeministrit Berisha dhe dhëndrit Malltezi
16 Tetor, 20:54 -
Mero Baze: Në Bruksel shkohet për t'u 'djegur'
16 Tetor, 20:37
-
Ylli Pata: A do të ngjisë ndjesa e Berishës për ligjin e tij famëkeq?
16 Tetor, 19:50
-
Trafik droge nga Italia në Shqipëri, GJKKO rrëzon akuzën për grup të strukturuar kriminal, jepet vendimi për 11 të arrestuarit
16 Tetor, 18:50
