Dosja Rraja, LSI: Shteti i kalbur dhunoi Xhisielën, vendi duhet shpëtuar sot

TIRANE-Deputetja e LSI, Floida Kërpaçi ashtu si PD, akuzoi sot sërish nga një deklaratë për mediat shumicën se ka mbrojtur djalin e deputetit Rraja. ‘Edhe pse një vajzë e re kishte denoncuar në polici dhunimin barbar, me vetëdije jo vetëm që nuk kanë vepruar për të ndaluar dhunuesin, por e kanë ndihmuar atë të eci i lirë. Kjo sepse dhunuesi ishte djali i deputetit të partisë në pushtet. Marr shkas ti rikujtoj këtu të gjithë atyre punonjësve të institucioneve që kanë marrë pjesë në këtë skemë, si dhe të gjithë eksponentëve të Rilindjes që nuk kanë dënuar aktin për shkak se dhunuesi i vajzës dhe shokët e babit të tij janë pjesë e rilindjes” tha ajo.

Deputetja e LSI vijon më tej duke thënë se rasti i Xhisielës tregon më së miri se si të gjithë ne jetojmë në një vend të padrejtësive. ‘Jetojmë me një sistem kriminal, ku njerëzit e pushtetit përdhunojnë, vrasin, trafikojnë njerëz apo drogë dhe nuk dënohen. Ajo vajzë mund të ishte vajza juaj, mbesa juaj, dhe do ishit ju sot në vend të Xhisielës që të kërkonit drejtësi përpara arrogancës së pushtetit që mbron dhunuesin për shkak se është djali i deputetit’.

Në fund të deklaratës, ajo kishte edhe një apel për qytetarët; Shteti duhet shpëtuar sot, nesër është shumë vonë! Rasti i Xhisiela Malokut ja bëri të qartë edhe qytetarit më të fundit. Policia që nuk zbulon dhunën kriminale, por e mbulon atë. Prokuroria nuk heton, por e mbulon edhe më shumë. Kryeministri, që mbron kriminelët që përdhunojnë vajzat e reja! Shteti, qartazi dhunon dhe poshtëron qytetarët e thjeshtë dhe mbron kriminelët siç beri kryeministri. Vendi ynë duhet shpëtuar sot, nesër është shumë vonë’.

LEXO EDHE:
Dhuna e Rrajave për guroret, Prokuroria e Tiranës përfundon hetimet! Zbutet akuza në 'plagosje e lehtë me dashje'

Djali i deputetit u arrestua ditën e diel me akuzën e përndjekjes ndaj 25-vjeçares Xhisiela Maloku. Prokurorja që ka ndjekur këtë rast, është Mirela Kapo, ndërsa gjyqtarja është Enkelejda Hoxha. Rraja akuzohet se përndoqi Xhisiela Malokun, rasti i së cilës ka trazuar politikën shqiptare.

TAG:
• floida kerpaci
• rexhep rraja
• Dosja rraja

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.2%

• Keq

  62.4%

• Nuk e di

  13.4%

Vota total: 2908

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di