Për gati dy dekada, bankat më të mëdha globale kanë transferuar mbi dy trilionë dollarë pagesa, që ato besonin se ishin të dyshimta, thuhet në një raport të publikuar nga Konsorciumi Ndërkombëtar i Gazetarëve
Raporti bazohet në mijëra dokumente që kanë rrjedhur në publik nga krahu i Departamentit amerikan të Thesarit, që heton pastrimin e parave. Dosjet FinCEN kanë më shumë se 2,500 dokumente, që bankat u dërguan autoriteteve amerikane midis viteve 1999 dhe 2017 dhe përbëjnë disa nga sekretet më të ruajtura të sistemit bankar ndërkombëtar. Bankat i paraqesin raportet e tilla te Rrjeti i Krimeve Financiare kur kanë shqetësime për ligjshmërinë e një transaksioni.
Dokumentet u zbuluan në Buzzfeed News dhe më pas u shpërndanë në të gjithë botën në 108 organizata të lajmeve në 88 vende.
Dokumentet tregojnë se si bankat kryesore perëndimore, përfshirë JPMorgan dhe Deutsche Bank, Banka britanike HSBC, Bankën Barclays, Banka Qendrore e Emirateve të Bashkuara Arabe, E Standard Chartered lejuan që klientët e tyre të transferonin miliona para të vjedhura nëpër botë duke ndihmuar në këtë mënyrërrjetet kriminale në të gjithë botën, përfshirë ato në ish-Bashkimin Sovjetik, të lëviznin dhe të fshihnin para.
Sipas BBC, vitet e fundit ka pasur një numër të rrjedhjeve të mëdha të informacionit financiar, duke përfshirë:Paradise Papers 2017 – e cila paraqet një sasi të madhe dokumentesh të rrjedhura nga firma ligjore Appleby dhe ofruesi i shërbimeve të korporatave Estera.
Panama Papers 2016 – Dokumentet e zbuluara nga firma ligjore Mossack Fonseca treguan më shumë se si njerëzit e pasur po përdornin regjimet e taksave offshore për përfitimet e tyre.
Swiss Leakss 2015 –zbuloi sesi bankat përdornin sekretin bankar për të ndihmuar klientët të shmangin pagesat e taksave.
Lajme të tjera
-
U kapën me 56 mijë paund në dy çanta, arrestohet 3 shqiptarë në Angli! Dyshohen si pjesë e një grupi kriminal
12 Shkurt 2021, 22:46 -
Maltë-Gazetarja e vrarë/ Arrestohet kreu i kabinetit të ish-kryeministrit Muscat (VIDEO)
23 Shtator 2020, 14:07 -
Dosjet FinCen: Bankat e mëdha para drejtësisë për skandalet financiare
22 Shtator 2020, 13:13 -
Kompani turke të përfshira në skandalin e parave të pista...transaksione të dyshimta nga Ministri aktual i Financave
21 Shtator 2020, 18:32 -
Dyshohet për para të pista, policia e Lushnjes arreston 28-vjeçarin që udhëtonte me 55 mijë euro në makinë
21 Korrik 2020, 10:58
