Dy në pranga për evazion fiskal/ Rama: Po hetohet, mund të ketë edhe të tjerë pas tyre

TIRANË- Kryeministri Edi Rama ka paralajmëruar sërish bizneset të cilët shkelin rregullat tatimorë se do ketë zeo tolerancë ndaj tyre. Ai ka sjellë në vëmendje rastin e arrestimit të dy personave ku ranë në pranga L.H., 61 vjeç dhe H.R., 35 vjeç, banues në Tiranë.

Ata  akuzohen për evazion fiskal, falsifikim dokumentesh dhe ndërhyrje në pompat e hidrokarburave, në qytetin e Elbasanit. Rama thotë se vijojnë hetimet pasi dyshohet të ketë të tjerë persona dhe subjekte të përfshira në këtë aktivitet të paligjshëm.

"Stop Informalitetit

Vazhdon operacioni për goditjen e veprimtarisë së paligjshme në fushën e hidrokarbureve, për evazionin fiskal, falsifikimin e dokumenteve dhe ndërhyrjeve në pompat e karburanteve.

Hetimet që janë zhvilluar nga Drejtoria e Hetimit Tatimor Rajoni Qendror Tiranë, nën drejtimin e Prokurorisë së Rrethit Gjyqësor Elbasan, vendosin në pranga dy persona. Ata u ndaluan për veprat penale “Fshehja e të ardhurave”, “Falsifikimi i vulave, stampave dhe formularëve” dhe “Ndryshimi në aparatet matëse” të kryera në bashkëpunim.

Nga hetimet e kryera ka rezultuar se këta shtetas në bashkëpunim, ndërhynin në pompat e distributorëve të karburanteve të palicensuar, falsifikonin procesverbalët në emër të një subjekti tjetër dhe nuk lëshonin faturë tatimore.

Vijojnë hetimet, pasi dyshohet të ketë persona dhe subjekte të tjera të përfshirë në këtë aktivitet të paligjshëm, duke i sjellë shtetit një dëm të madh ekonomik!

Zero Tolerancë ndaj abuzuesve", shkruan Rama.

TAG:
• edi rama
• aksioni anti-informalitet