POP 5

Lajmet më të lexuara të 5 minutave të fundit

Sport

Dyshimet se është mjekuar gabim, mjeku i Maradonës nën hetim (VIDEO)

60 agjentë kontrollojnë klinikën dhe shtëpinë e mjekut të Maradonës që po hetohet për vdekje të qëllimshme të legjendës së futbollit.

Hetimi për vdekjen e Maradonës merr një zhvillim të rëndësishëm gjatë këtyre orëve. Prokuroria ka nisur hetimet ndaj mjekut privat të Maradonës, Leopoldo Luque, i cili akuzohet se nuk ka ndjekur protokollin mjekësor dhe se nuk ka qenë në shtëpinë e Diegos në momentin që vdiq.

60 agjentë kanë nisur hetime në shtëpinë dhe klinikën e doktorit Luque, ndërsa hetimet po verifikojnë nëse ka pasur gabime njerëzore në trajtimin kampionit argjentinas apo parregullsi në ndjekjen e protokollit mjekësor.

Sipas medieve argjentinase mjeku është i dyshuari kryesor për vdekjen e Maradonës dhe akuzohet për vdekje të qëllimshme.

‘Na duhet të saktësojmë nëse gjatë trajtimit të Maradonës në shtëpi ka pasur parregullsi në trajtimin e tij', thanë prokurorët.

Ajo që është e sigurt është se neurokirurgu Leopoldo është një personazh kontrovers që trajtonte Maradonën që prej viti 2016 por me të cilin kampioni ishte zënë dhe nuk ishte paraqitur në shtëpinë e tij në momentin që Diego vdiq. Edhe vajzat e Diegos, Dalma, Gianinna dhe Jana akuzuan pa asnjë mëdyshje se fajtori kryesor për vdekjen e babit të tyre ishte doktori.

Nën hetim mund të përfundojë edhe mjeku psikiatër i Maradonës që i jepte ilaçet por dhe një person tjetër që u gjend në shtëpinë e tij ditën e vdekjes.

Dyshimet mbi vdekjen e kampionit janë të shumta një ndër to është, se përse doli nga spitali aq shpejt pas operacionit në kokë dhe pse nuk u gjet asnjë mjek në shtëpinë  e tij, që duhet ta ndiqte 24 orë.   

I.K/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06