POP 5

Lajmet më të lexuara të 5 minutave të fundit

Politikë

E besuara e familjes Berisha jashtë garës për vakancat në KLP e KLGJ, Bardhi i del në mbrojtje: Sekretari i Kuvendit manipuloi procesin

Gazment Bardhi ka hedhur dyshime për një proces jo të drejtë në verifikimin dhe përzgjedhjen e kandidatëve për anëtarëve të KLGJ dhe KLP nga radhët e avokatisë. Bardhi mori në mbrojtje të besuarën e familjes Berisha, Entela Shehaj (Memishaj).

TIRANË- Pasi Kuvendi përjashtoi 6 kandidatë nga gara për 2 vendet vakante në KLGJ e KLP, nënkryetari i Rithemelimit Gazment Bardhi doli në mbrojtje të tyre duke hedhur akuza se sekretari i Përgjithshëm i Kuvendit ka manipuluar procesin.

Bardhi ka hedhur dyshime për një proces jo të drejtë në verifikimin dhe përzgjedhjen e kandidatëve nga radhët e avokatisë. Sipas tij Sekretari i përgjithshëm Genc Gjoncaj ka skualifikuar pa të drejtë 6 kandidatë. Bardhi mori në mbrojtje të përjashtuarit nga lista, mes tyre edhe të besuarën e familjes Berisha Entela Shehaj (Memishaj). Kjo e fundit u kandidua nga avokatja e familjes Berisha, Erinda Ballanca.

“Memishaj, me vërtetim të Dhomës Kombëtare të Avokatisë, përmubush kriterin e parashikuar dhe ka shlyer të gjitha detyrimet ndaj dhomës së avokatisë” tha Bardhi.

“Përparim Kalo e vërtetë që ushtruar për 1 vit e 6 muaj anëtarin e gjykatës kushtetuese, por përsa kohë ka kryer një funksion kushtetues, dhe për një periudhë të konsiderueshme kohore ka ushtruar profesionin e avokatit ai e përmbush kritetin e përcaktuar”, tha Bardhi.

“Sajmir Vishaj, është e vërtetë që ka kandiduar nga trupa e pedagogëve, por në këtë rast flitet për kandidim të njëkohshëm, jo pas 5 vitesh kur kandidon për një garë të re. Çmoj që ky kriter është i aplikuar gabim nga sekretari i përgjithshëm. Nga radhët e pedagogëve nuk ka më vakancë dhe në atë garë të mëhershme nuk është kualifikuar”

“Albana Tushe, ka një periudhë shumë të shkurtër që nuk ka paguar sigurimet shoqërore dhe sekretari i përgjithshëm e konsideron si një shkëputje nga periudha e ushtrimit të avokatit dhe nuk është ndjekur i njëjti shembull me të tjerët”

Nënkomisioni gëzon kompetencën për të rikthyer në garë kandidatët e skualifikuar me 4 vota, ndërsa votimi për listën përfundimtare do të kryhet të premten. Entela Shehaj (Memishaj), është e besuara e familjes Berisha. Memishaj u skualifikua për mosplotësimin e kriterit të vjetërsisë në profesionin e juristit për 15 vite. 

Shqiptarja.com zbuloi se emri i Entela Shehajt është i lidhur direkt me atë të Ismail Mulletit, biznesmeni i njohur për lidhjet e shumëfishta me Partinë Demokratike, dhe që nga dokumentat rezulton se i ka paguar në 2008 plot 350.000 euro Shkelzen Berishës për një aferë imobiliare shumë të dyshimtë. Personazhi kyç, me anë të cilit Mulleti i ka dhënë si bakshish Shkëlzen Berishës, në dy pagesa, 200 mijë euro dhe 150 mijë euro, është pikerisht Entela Shehaj Memishaj. (Lexo Investigimin e plotë).

Përjashtimi më i rëndësishëm është ai i Përparim Kalos pasi ai renditej i dyti në listën për KLGJ dhe i pari në listën e KLP-së sipas pikëzimit të dhënë nga komisioni ad-hoc i ngritur nga Avokati i Popullit. Gjonçaj e ka skualifikuar Kalon për shkak se sipas tij nuk plotëson kushtet duke qenë se ka ndërprerë ushtrimin e profesionit të avokatit në periudhën që ai ka shërbyer si anëtar i Gjykatës Kushtetuese për 1 vit e 6 muaj.

Si përzgjidhen anëtarët e rinj të KLP dhe KLGJ? 

Në listën përfundimtare që i paraqitet Komisionit të Ligjeve, nga e cila do të përzgjidhen 2 anëtarët e rinj në KLGJ në vendin e parë renditet Eris Hysi e ndjekur nga Erind Mërkuri, Erind Gërmenji, Albens Tabaku, Klodian Gjermeni, Artan Reçi, Bledar Bajri dhe Saimir Kola. Ndërsa listën e kandidatëve për dy vende në KLP e kryeson Erind Mërkuri ndjekur nga Erind Gërmenji, Albens Tabaku, Artan Reçi, Bledar Bajri e Saimir Kola.

Dispozitat ligjore parashikojnë që 4 kandidatët për 2 vende vakante në KLGj dhe 2 në KLP i nënshtrohen votimit në seancë plenare pasi zgjidhen nga kjo listë me konsensus politik (4 vota pro) nga 5 anëtarët e nënkomisionin të ligjeve.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29