Kërkuan heqjen e arrestit të shtëpisë/ Gjykata refuzon kërkesën e dy ish-deputetëve të PS, Ndoka dhe Çuko

Arben Cuko dhe Arben Ndoka, dy ish-deputetët e PS gjatë seancës gjyqësore

Arben Cuko dhe Arben Ndoka, dy ish-deputetët e PS gjatë seancës gjyqësore

Tiranë- Gjykata e Krimeve të Rënda ka refuzuar kërkesën e dy ish-deputetëve të Partisë Socialiste, Arben Ndoka dhe Arben Çuko për të hequr masën e sigurisë arrest shtëpie. Dy ish- deputetët e PS, kërkuan heqjen e masës nga Gjykata. Arben Ndoka dhe Arben Çuko u arrestuan gjatë operacionit policor VOL-VO 4 në tetor të vitit 2018.

Gjykata e Apelit për Krimet e Rënda ndryshoi masën e sigurisë nga arrest me burg në arrest shtëpie më 15 nëntor 2018.  Arben Ndoka ra në prangat e policisë në 21 tetor gjatë megaoperacionit të policisë "Volvo 4", pasi nga përgjimet telefonike të prokurorisë ai rezultonte i përfshirë në një skemë tjetërsimi pronash në zonën e Kunes dhe Ranës e Hedhun në Shëngjin.

Gjithçka u zbulua nga hetimet e prokurorisë për vëllain e Arben Ndokës, Gjevi Ndoka, si i lidhur me Avdylajt e Shijakut, të cilët akuzohen për trafik droge dhe porositës të heroinës së laboratorit të Hasit. Ndoka akuzohet për “tjetërsim pronash” dhe “falsifikim dokumentesh”.

Ndërsa Arben Çuko u vendos në pranga krejt rastësisht, teksa në hetim dhe përgjim ishin pjesëtarët e një grupit të Shijakut. Çuko akuzohej se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro. Çuko akuzohet për “korrupsion pasiv”.

Gjatë “VOL-VO 4” në të gjiothë shqipërinë u goditën 4 grupe kriminale me 44 urdhër-arreste. 27 persona u vunë në poranga brenda një dite ndërsa baza e këtyre bandave ishte në Shijak dhe Lezhë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Trazirat në Tiranë, trageti nuk u nis derisa mbërritën tifozët italianë që u dëbuan nga Shqipëria