Pas një periudhë të gjatë tre vjeçare në një spital italian në veri të Italisë, ku edhe ishte operuar për tri herë rresht, vendos të kthehet në Shqipëri i gjori personazh i këtij tregimi real. Niset me autobus nga vendi ku ishte spitali ku ishte trajtuar dhe mbërrin në stacionin e trenave të Milanos. Atje pikaset nga dy shqiptarë të rinj, të cilët pasi e kanë afruar e grabisin duke e lënë pa para e dokumente. Paratë rreth 300 euro i duheshin për biletën e trenit deri në Bari, taksinë, biletën e tragetit Bari-Durrës dhe ushqim.
I vetmuar dhe i pashpresë në stacionin e Milanos i afrohet një karabinier, i cili pasi e kuptoi që ishte shqiptar i flet në shqip: "Me çfarë mund t'ju ndihmoj xhaxha?" Ishte një djalë me origjinë shqiptare i lindur e rritur në Itali e i veshur me uniformën e zezë e të bukur të karabinierisë. Po ja, i tregon burri i moshuar, më kanë grabitur dy djem shqiptarë dhe kam mbetur në mes të katër rrugëve dhe për më tepër jam i sëmurë dhe kam këmbën e krahun të paralizuar. M'i morën të gjitha, paratë e dokumentet përfshirë edhe kartën e spitalit e më lanë vetëm dokumentet e spitalit ku kam qenë për tri vite. Karabinieri "ynë" e merr burrin, i blen atij biletën e trenit për në Bari dhe i siguron edhe ushqim. Me të mbërritur në Bari, burri shkon në port. Natyrisht që asgjëkund mund të shkonte i gjori, pa dokumente e pa parà s'ka agjenci që të pret biletë në këto kushte. Në portin e Barit ku për fat ka edhe miq të shqiptarëve, burri pikaset nga një ushtarak i Guardia di Finanza, i cili pa hezituar kontakton kolegun e tij të policisë shqiptare në Bari dhe i shpjegon se një person ka nevojë për ndihmë. Kaq mjaftoi dhe me mbështetjen e Konsullatës së Përgjithshme dhe me pak solidaritet burri pajiset me dokument udhëtimi. Nga këtu drejt portit ku njëra nga kompanitë e udhëtimit, që s'ka rëndësi se kush është edhe pse do e meritonte një reklamim, e pajis me biletë falas dhe bëhet gati për të udhëtuar drejt Shqipërisë.
Përse e shkrova këtë mund të thotë dikush?
Po ja, se mendoj se së pari e keqja nuk triumfon asnjëherë. Se në jetë paratë kanë vlerë monetare, por njerëzit kanë vlerë më të madhe. Se jam i sigurt që ata që grabisin njerëz të sëmurë e në moshë do e gjejnë me siguri rrugën e tyre drejt errësirës dhe se sot është festa e policisë dhe ky është një rast me policë të mirë. Se nuk është as rasti i parë dhe as do jetë i fundit, dhe mendoj se njerëzit duhet të jenë të bindur se nuk janë kurrë vetëm në një vend të huaj.
Komente
Lajme të tjera
-
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48
Po ne shqiperi ka triumfuar e mira?
Përgjigju