'E mora me sportivitet', 70-vjeçari i shëruar me COVID nga Kruja: Isha i qetë, e kam në gen jetëgjatësinë

Optimizmi dhe humori është arma me të cilin luftoi me koronavirusin 70-vjecari nga Kruja. Besimi tek jetëgjatësia e genit familjar dhe qetësia me të cilin e priti këtë betejë bëri që angazhimi maksimal nga bluzat e bardha të mos shkonte dëm. Tashmë gëzon shëndet të plotë dhe më të njëjtin humor si më parë Islam Dani përcjell apelin e fortë pas shërimit. Në një lidhje skype për 'Repolitix', ai thotë se kishte afro një muaj e gjysmë që rezultoi pozitiv, por ditët e tij më të vështira ishin kur mjekët i bënë frymëmarrje të detyruar.

''E kam konsideruar veten gjithnjë 10 vjet më të ri. Shumë mirë jam tani. Një muaj e ca që u infektova dhe fillimisht isha me temperaturë dhe e mora shumë lehtë. Mbi një muaj e pak u infektova. Nuk kam dyshime nga e mora. Kisha marrë masat dhe nuk e kuptova. Fillimisht kisha temperaturë, pastaj nga pak mu mor fryma. 7 - 8 ditë qëndrova në shtëpi. Pastaj dola pozitiv dhe shkova në spital menjëherë. Unë e mora lehtë. Asnjëherë nuk më kishte shkuar mendja. Atë ditë kam qenë në humor. S'kisha frikë asnjëherë. Me forcë thashë do ia dal. Momenti më i vështirë ishte kur më bënë frymëmarrje të detyruar. Mendova se do kaloj lehtë edhe në momente të vështira. Për 7 - 8 ditë nuk e kontrolloja dot veten. Kur shkova në reanimacion fillova të lëviz disa metra. Jam gjithmonë pozitiv në mendime, sëmundjet i përçmoj'', u shpreh 70-vjeçari

Edhe pse optimizmi i tij ishte i lartë, puna e mjekëve për të ishte një nga momentet më të rëndësishme. Me besimin e gjeni jetëgjatë në familje, pasi i ati është ndarë nga jeta në moshën 103-vjecare mesazhi i 70-vjecarit të shëruar i mbush të gjithë me shpresën për t' ja dalë.

''Me sportivitet e mora. Kam drejtë ti falenderoj mjekët e infermierët e spitalit. Ishin të mrekullueshëm. Të gjithë njerëzit e mi të afërm. I përshëndes. Njerëz të mirë. I kisha si motra dhe vëllezër,  bëja dhe humor me ta. Kemi një shprehje nëe këtej bluzat e bardha ilaç i bekuar. I shkonte djersa nën rroba, të palodhur, personel i veçantë për mua. Akoma i kam në vesh zërat e tyre. Do ju çoj dhuratë ti takoj për shërbimin shembullor. Më vinin me dashuri shumë, komunikoja shumë mirë me ta. Vuajtjet i kanë hequr si ne. Vetëm nga zëri i njihja. Unë kam pas babën që ka vdekur 103 vjeç por mendjen e kishte arkiv e shtetit. Jam shëndosh e mirë. Unë i them ta marrin me qetësi, por duhet të ruajnë veten. Të mendojnë me pozitivitet dhe me humor. Po e ke frikë turret. Nëse nuk e ke frikë largohet. Uroj për të gjithë sa më lehtë, mos u trembni, po e morët qetë do kalojë'', përfundon këtë intervistë më buzë në gaz 70-vjeçari i shëruar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund