‘E quajtën lolo, të përvëluar për femër’, Aulona në mbrojtje të Dj Dagz: Ai është burrë i vërtetë

Dj Dagz dhe Einxhel Shkira, një çift i krijuar brenda shtëpisë së 'Big Brother Vip' shpesh ka qenë në qendër të vëmendjes së publikut. Por komentet nuk mungojnë edhe nga personazhet e njohur.

Aulona Musta, duket se i ka dalë në mbrojtje Dagz-it, i cili në rrjete sociale është quajtur si i komanduar nga Einxhel dhe e ka tepruar me veprimet brenda shtëpisë më të famshme të momentit.

"E quajtën pa karakter, lolo, të përveluar për femër. E “tallen” dhe ironizuan se rrinte pas “fustanit” të Einxhell, se e puthte më shumë seç duhet, e mbështeste më shumë seç duhet, e donte më shumë seç duhet… “Sa është më shumë seç duhet?”… aq saç është standarti që shoqëria jonë ka vënë për sjelljen dhe dashurinë që një burrë duhet t’i japi një gruaje…të cilen në parim e duan, ënderrojnë dhe ankohen kur s’e kanë, ama kur e shohin që e ka dikush tjetër e përçmojnë…madje thonë dhe “nuk është burrë, se nuk bën burri ashtu pas një vajze…ka femra plot” Asnjë nga ne nuk e njeh Dagzin jashtë, por për aq sa pamë në BBV, në fakt ky është burri i vërtetë.

LEXO EDHE:
Meritoni - Eglës: Më ke drejtuar gishtin për ngacmim seksual! Banorja: Je i leshtë, nuk kupton

Burri që bie në dashuri dhe s’ka frikë të pranojë që ndjen, edhe kur partnerja e refuzon fillimisht; që lufton për ta bërë për vete me mirësi, përkushtim, mbështetje. Që nuk i trembet një karakteri të fortë, që shpesh kërkon edhe të komandojë, apo të jetë “liderja” në çift. Që nuk ka frikë nga inteligjenca dhe potenciali i partneres se tij, perkundrazi kërkon ta evidentoje dhe t’i japë vlera në çdo moment. Që e rrethon me dashuri dhe perkushtim, por i jep gjithe lirinë dhe hapsiren e nevojshme për të shfaqur veten. Qe nuk i thote mos fol, mos qesh, mos thuaj atë, sillu kështu, mos bëj atë, bëj këtë, sepse nuk e sheh si pronë dhe as si trofe, por si partnere.

Për fat të keq, burrat si Dagz do vazhdojnë te tregohen “me gisht” dhe nuk do vleresohen siç duhet, edhe për shumë kohë… nga seksi i njëjtë që vazhdojnë mendojnë se burrëria qëndron tek forca, dinakëria dhe skuthllëqet, por për fat të keq edhe nga seksi i kundërt që do vazhdojnë të kënaqen dhe të pranojnë atë që “u jepet” dhe jo atë që “meritojnë”.

Goca mos kini frikë të vendosni standarde për veten dhe t'i pretendoni ato! Çunat e fortë kanë dalë nga moda. Gentleman is the new sexy. Çuna mos kini frikë nga vajzat inteligjente, me karakter dhe të pavarura. Janë vlerë e shtuar në çdo marrëdhënie."-shkruan Musta.

Dagz i ka komentuar Aulonës duke i thënë se i vlerëson rreshtat që ajo ka shkruar.

“I vlerësoj shumë rreshtat që sapo lexova, sidomos kur vijnë nga një person i ngritur dhe i vlefshëm si ti. ????”-shkruan Dagz.

Komenti i Dagz në postimin e Aulona Mustës

TAG:
• Aulona Musta
• Dj Dagz
• big brother