'Edhe një shtrëngim duarsh do të thotë shumë' , ministrja e Kulturës solidaritet me njerëzit e tronditur nga tërmeti

Solidariteti për njerëzit e tronditur nga tërmeti që goditi vendin tonë ditën e shtunë nuk ka munguar as nga institucionet qeveritare dhe ministrat.

Ministrja e Kulturës, Elva Margariti së bashku me ministra të tjerë në shenjë solidariteti për tërmetin që goditi vendin tonë ditën e shtunë  kanë vizituar njerëzit në qytetin e Durrësit dhe të Tiranës për tu dhënë mbështetje dhe kurajo për të mos u përfshirë nga paniku.
 

“Nga Durrësi në Tiranë, për t’iu gjendur pranë njerëzve në nevojë, të dëmtuarve dhe të traumatizuarve nga tërmeti ditës së shtunë, me kryeministrin Edi Rama, ministrat Sandër Lleshaj e Ogerta Manastirliu dhe kryetaren e bashkisë së Durrësit, Valbona Sako, për t’u shprehur mbështetjen të evakuuarve në çadrat e ngritura në stadiumin e qytetit”, shprehet Maragariti.

Durrësi ishte një nga qytete më të prekura nga tërmeti për shkak të afërsisë që kishte me epiqendrën e tërmetit.  ndër të tjera Margariti shprehet se, “në këto momente, përveç ndihmës konkrete edhe një fjalë e mirë dhe një shtrëngim duarsh, do të thotë shumë”.

Mbështetje për qytetarët e dëmtuar kanë shprehur solidaritetin edhe shumë figura të tjera politike, të cilët kanë bërë apel që të ruhet qetësia.

TAG:
• Durres
• termeti
• familjet e prekura nga termeti
• elva margariti
• Termet i fuqishem ne Shqiperi