POP 5

Lajmet më të lexuara të 5 minutave të fundit

Opinion

Eduard Zaloshnja: Gjeografia e votave, nëse votohet sot

Si ndahet vota mes PS, PD së Bashës, PD së Berishisë e PLsë në Shqipëri sipas 4 rajoneve. Nga Fushë-Kruja deri lart në Vermosh, e nga Shkumbini deri poshtë në Konispol. 

Eduard Zaloshnja: Gjeografia e votave, nëse votohet sot

Studio e Repolitix në Report Tv

Një nga pyetjet e përmuajshme në sondazhin që zhvilloj për Report TV është: “Nqs zhvillohen sot zgjedhje parlamentare, për kë do të votonit?”. Në sondazhin e kësaj të mërkure përgjigjet ishin 36.3% për PS-në, 20.5% për PD-në e Berishës, 5.3% për PD-në e Bashës, 2.8% për PL-në, 6.5% për partitë e tjera, dhe 28.8% për asnjë parti. (Lexoni këtu)

Nga një një ekstrapolim i përafërt statistikor i përqindjeve të mësipërme, rezulton se ndër të vendosurit për të votuar qysh sot, rreth 725 mijë ia japin votën PS-së, rreth 410 mijë PD-së së Berishës, rreth 106 mijë PD-së së Bashës, rreth 55 mijë PL-së, dhe rreth 130 mijë partive të tjera.

Po si janë të shpërndarë gjeografikisht këta votues?

Meqë pyetësorin e kanë plotësuar në telefon celular 1101 të anketuar që morën linkun e tij me SMS krejt të rastësishme, specialist im IT është në gjendje të përcaktojë me afërsi vendndodhjen e secilit prej tyre. Dhe nga harta e këtyre vendndodhjeve, munda të ndërtoj Tabelën 1 si më poshtë.

Në rajonin verior (nga Fushë-Kruja deri lart në Vermosh), janë rreth 327 mijë votues të vendosur për të votuar qysh sot. Nga këta, rreth 147 mijë votojnë për PS-në, rreth 109 mijë për Bashkimin për Fitore të Berishës dhe Metës, rreth 32 mijë për PD-në e Bashës, dhe rreth 39 mijë për partitë e tjera.

Në rajonin qendror (nga Fushë-Kruja deri poshtë në Shkumbin), janë rreth 654 mijë votues të vendosur për të votuar qysh sot. Nga këta, rreth 328 mijë votojnë për PS-në, rreth 227 mijë për Bashkimin për Fitore të Berishës dhe Metës, rreth 35 mijë për PD-në e Bashës, dhe rreth 64 mijë për partitë e tjera.

Në rajonin jugor (nga Shkumbini deri poshtë në Konispol), janë rreth 445 mijë votues të vendosur për të votuar qysh sot. Nga këta, rreth 250 mijë votojnë për PS-në, rreth 129 mijë për Bashkimin për Fitore të Berishës dhe Metës, rreth 39 mijë për PD-në e Bashës, dhe rreth 27 mijë për partitë e tjera.

Po si përqindje, cila është gjeografia e simpatizantëve? Tabela 2 më poshtë jep një tablo të përqindjeve.

Në rajonin jugor, 56.2% e votuesve të vendosur votojnë për PS-në, dhe kjo është përqindja më e lartë e përkrahjes për të. Ndërsa më të ultën PS-ja e ka në rajonin verior, 45%. Në rajonin qendror regjistrohet përqindja më e lartë e votave për PD-në e Berishës (31.2%), ndërkohë që në rang vendi është vetëm 28.8%. Përkrahjen më të madhe PD-ja e Bashës e ka në rajonin verior (9.8%), ndërkohë që në rang vendi e ka vetëm 7.4%. PL-ja e ka përkrahjen më të madhe në rajonin jugor (4.5%), ndërkohë që në rang vendi e ka vetëm 3.9%. Ndërsa partitë e tjera përkrahjen më të madhe e kanë në rajonin verior (11.9%), ndërkohë që në rang vendi e kanë vetëm 9.1%.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46