POP 5

Lajmet më të lexuara të 5 minutave të fundit

Ekonomia e vendit u rrit me 5.97% në tremujorin e parë! Ndërtimi dhe tregtia rrisin ekonominë, ‘ndalet’ bujqësia

Ekonomia e vendit ka pasur ecuri pozitive në tre muajit e parë të vitit. INSTAT raporton se Prodhimi i  Brendshëm Bruto nga janari në mars u rrit me 5.97%, dhe ndikimin më të madh e ka pasur ndërtimi, tregtia dhe tregu i pasurive të paluajtshme. Nga ana tjetër sektori i bujqësisë është ndalur, dhe rritja ka qenë vetëm 0.01%.

TIRANË- Tre muajit e parë të vitit, kanë qenë pozitiv për ekonominë e vendit. Me ndihmën kryesisht të ndërtimit, tregtisë dhe tregut të pasurive të paluajtshme, ekonomia është rritur me 5.97% në tremujorin e parë të 2022, në raport me një vit më parë.

Sipas të dhënave të Institutit të Statistikave, sektori i ndërtimit që prej vitesh po njeh një vrull të shpejtë ka dhënë ndikimin më të fortë në rritjen ekonomike me 1.95%. Më pas është renditur sektori i Tregtisë, Transportit, Akomodimit dhe Shërbimit ushqimor me 1,55 % dhe aktivitete të pasurive të paluajtshme me 0,91%.

Por nga ana tjetër një nga sektorët jetik të vendit bujqësia, që ka edhe numrin më të madh të të vetë-punësuarve, vijon me ritme të ulta. Ky sektor ka pasur rritjen më të ulët, me vetëm 0.01%. Ecuria e këtij sektori është cenuar edhe më shumë pas muajit mars, pas nisjes së luftës në Ukrainë, çmimet e plehrave kimike u shtrenjtuan, duke shtuar edhe kostot e prodhimit. 

Nga ana tjetër në këtë tremujor të parë të vitit, kanë dhënë kontribut negativ në ekonomi artet dhe argëtimi që janë në rënie me -0,35%, dhe Administrata publike, Arsimi dhe Shëndetësia me -0,18%.

Në këto të dhëna mbi ecurinë ekonomike, nuk është i përfshirë inflacioni i lartë, pasi kriza e çmimeve ishte më e fortë në fund të muajit mars dhe më pas. Si pasojë e krizës së çmimeve dhe inflacionit të lartë që ka arritur në 6.7% në muajin maj, ekspertët dhe institucionet vendase e ndërkombëtare presin reduktim të rritjes ekonomike, si dhe ngadalësim të konsumit prej çmimeve të larta.

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi