POP 5

Lajmet më të lexuara të 5 minutave të fundit

Ekonomi

Ekonomia po rritet ngadalë, Banka Botërore: Presim rënie të varfërisë në Shqipëri, duhet fokus tek familjet në nevojë preken nga inflacioni i lartë

Rritja e punësimit dhe e pagave po ndikon pozitivisht në uljen e varfërisë thotë Banka Botërore, e cila kërkon të mbështeten familjet në nevojë pasi po goditen nga inflacioni i lartë. Në raportin e fundit për Ballkanin Perëndimor ekspertët e bankës thonë se ekonomia e Shqipërisë po rritet më ngadalë se vjet, si dhe ngrenë problemin e mungesës së punonjësve të kualifikuar.

Ekonomia e Shqipërisë do të vazhdojë të rritet edhe këtë vit por ritmi i saj është ngadalësuar në krahasim me vjet. Ky është konkluzioni i nxjerrë nga Banka Botërore në raportin për Ballkanin Perëndimor, ku vihet theksi tek kontributi pozitiv që ka pasur turizmi, konsumi dhe investimet.

Rritja e punësimit dhe e pagave në gjashtëmujorin e parë të këtij viti sipas ekspertëve të bankës do të japë ndikim në uljen e varfërisë e cila për këtë vit parashikohet të zbresë në 23.9%.

“Duke qenë se punësimi dhe pagat po rriten, pritet që shkalla e varfërisë të ulet”, tha Hilda Shijaku ekonomiste e lartë në Bankën Botërore.

Por rrezik mbetet përsëri rrezik inflacionin pavarësisht se në krahasim me vitin e kaluar është më i ulët, pasi sipas tyre godet familjet në nevojë.

“Duhet të ruajmë mbështetjen e shenjëstruar për këtë segment të targetuar për të mbështetur këto familje që  i ndjejnë më shumë çmimet e larta sidomos ato të shportës ushqimore”, tha Natasha Rovo eksperte e Bankës Botërore.

Në raport është analizuar edhe tregu i punës, ku përpos rritjes së punësimit dhe uljes së papunësisë, problem vlerësohet mungesa e stafit të kualifikuar.

“Vëmë re mungesë të forcës së punës së kualifikuar, dhe ulja e ofertës së punës ka sjellë kosto të shtuar për bizneset”, tha Hilda Shijaku.

Ndërsa sa i takon borxhit publik, ekspertët e bankës thonë se do të ulet në 60.3% këtë vit nga 62.1% që ishte vjet, por sugjerojnë që të mbahet në kontroll për shkak të normave të larta të interesit në tregjet e huaja.

“Borxhi publik edhe pse ka ardhur drejt konsolidimit, mbetet prapë subjekt i rreziqeve të shtuara si rezultat i normave të larta të interesit në tregjet ndërkombëtare”, tha Hilda Shijaku.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Australian Open/ Jannik Sinner s'ka të ndalur, numri një i botës mposht Shelton dhe gjen Zverev në finale

Australian Open/ Jannik Sinner s'ka të ndalur, numri një i botës mposht Shelton dhe gjen Zverev në finale

24 Janar, 12:32