Xhama të thyer, dyer, karrige, tavolina e dokumente të shkatërruara e të djegura. Mjediset brenda Ministrisë së Arsimit, asaj të Ekonomisë dhe të Drejtësisë në Tiranë, të sulmuara nga protestuesit, janë kthyer në gërmadha, në një pjesë të mirë të tyre.
Ministria e Arsimit ishte e para që u sulmua. Ajo çfarë ka mbetur ngjan me një situatë pas lufte. Dosje e dokumente të shpërndara e të dëmtuara, tavolina të djegura e gurë edhe xhama të thyer edhe në korridore dhe brenda zyrave.
Në Ministrinë e Ekonomisë pirgu me sende të shkatërruara e të djegura është ende në hyrje të godinës.
Në katin e parë të ndërtesës dëmtimet janë të shumta. Dyer të shkatërruara e në brendësi të zyrave shkresa e dokumente të hedhura përtokë, pajisje të thyera e të dëmtuara. Një pjesë e tyre është marrë e nxjerrë jashtë.
I dëmtuar dhe ashensori. Ministria e Drejtësisë, u sulmua dhunshëm mbrëmjen e së mërkurës
Këtu ngjan se është shkatërruar gjithshka. Me xhama të thyer nga të gjithë anët dhe pa energji elektrike, situata ngjan apokaliptike.
Shumë sende nëpër zyra janë dëmtuar, por fatmirësisht ngjan se nuk janë vjedhur.
Një nga zyrat e dëmtuara në këtë Ministri është edhe ajo e Ndihmës Juridike Falas.
Ndërsa në një prej sallave të Ministrisë, ku bëhen mbledhje e takime të rëndësishme dallohen qartë edhe gjurmët e flakëve që e dogjën një ditë më parë.
Pamja e Ministrisë së Drejtësisë ditën e sotme, pas protestës së dhunshme të së mërkurës, i ngjason asaj të institucioneve të tjera të qeverisë që u sulmuan.
Fasada e jashtme është plotësisht e dëmtuar dhe e shkatërruar, me xhamat e thërrmuar, tavani në katin e parë është i shkëputur, pllakat janë thërrmuar dhe mobiliet janë djegur.
Ministrja Delina Ibrahimaj dhe kreu i grupit të PS, Taulant Balla, kanë ndarë disa foto nga puna e punonjësve të bashkisë së Tiranës që përgjatë gjithë natës kanë punuar për të pastruar qytetin nga gjurmët e dëmtimeve që lanë pas protestuesit të mërkurën.
“Mirënjohje për punonjësit e Bashkisë së Tiranës, të cilët punuan gjatë gjithë natës për të pastruar gjurmët e shkatërrimeve dhe për t’i rikthyer qytetit normalitetin”, ka shkruar Ibrahimaj.
Tirana nuk është zgjuar sot në gjendjen e saj të zakonshme. Ndryshe nga ditët e tjera, mëngjesi në kryeqytet ka zbardhur duke treguar gjurmët e protestës së dhunshme të një dite më parë që preku çdo cep të rrugëve kryesore.
Është një lloj situate pasigurie dhe në orët e para ndihej edhe një lloj habie nga kalimtarët që shihnin gjithë shkatërrimet.
Semaforë e tabela rrugore të thyera të cilat krijojnë kaos për automjetet dhe këmbësorët, kioska rrugësh e stacione autobusësh të shkatërruar e të djegur, xhama e bankomatë të thyer, pllaka trotuari që mungojnë.
Te Kullat Binjake shihen edhe më qartë pasojat që ka lënë djegia e dëmtimi i tejskajshëm bizneseve private ku nuk duket më asnjë gjurmë.
Te ‘Piramida’, një tjetër pikë e përzgjedhur nga protestuesit, disa nga kubat ku ndodheshin bizneset janë djegur, thyer e më pas grabitur, e njësoj edhe brenda.
Ndërkohë, punonjësit e bashkisë po përpiqen të pastrojnë ç’mundin, ndërsa panorama e tanishme i ka lënë vendin një gërmadhe.
Ministria e Ekonomisë duket të jetë ndër më të dëmtuarat nga sulmet e protestuesve gjatë së mërkurës që prekën 8 institucione.
Në momentin që protestuesit mësynë brenda saj, morën mobiliet që u dolën përpara duke i hedhur pirg në hyrje, aty ku kanë mbetur ende, tregojnë pamjet e Report Tv mëngjesin e sotëm.
Xhamat e dritareve janë thyer, kangjellat e tyre të shtrembëruara e deri edhe grilat janë hequr prej protestuesve, një pjesë e mirë e të cilëve ishin të maskuar.
Dyert janë shkelmuar e copëtuar, në tokë shihen copa të panumërta gurësh e pllakash që protestuesit i hidhnin si breshëri drejt godinës.
Dyshemeja është mbuluar edhe nga dheu i vazove të rrëzuara në tokë, ndërsa në zyra pajisjet si fotokopjet e kompjuterët janë shkatërruar.
Edhe një ashensor shihet të jetë dëmtuar dhe nxjerrë nga përdorimi.
-
O sali ti gjithmon e ke djegur shqiperin kete po ben edhe tani
Përgjigju
Lajme të tjera
-
‘Kemi shumë frikë’- Protestuesit e maskuar sulmojnë konviktet në Tiranë me gurë e leva hekuri, thyejnë dyer e dritare dhe futen brenda godinave! Tmerr te studentët (VIDEO)
15 Tetor, 22:55 -
Minella Aleksi: Fytyra e mbuluar, mendja e fshehur
15 Tetor, 22:46
-
Bardhi e Blushi publikojnë pamje të personave të shtrirë në tokë: Trajtim ç’njerëzor i protestuesve të shoqëruar brenda komisariateve (VIDEO)
15 Tetor, 22:32 -
Aktet vandale në protestë, analisti Demalia: Kjo është kafshëri! Shkatërruan bizneset e njerëzve hallexhinj! Nuk bëjnë studentët kështu
15 Tetor, 22:23 -
Zjarr e kaos në Tiranë/ Deputeti Korreshi shfaqet i qeshur në tubim, ‘selfie’ me një protestues të maskuar
15 Tetor, 22:16 -
Protestat e dhunshme, Spahiu thirrje: Mos e digjni Shqipërinë si në 97-ën, dilni dhe mbroni Tiranën nga anarkia e lufta civile
15 Tetor, 22:00 -
Po me urën ç’patën?
15 Tetor, 21:48
-
Protestat e dhunshme në Tiranë, Kryenegociatorja Dhuka: Të ndërtojmë urat e dialogut, jemi më pranë se kurrë aspiratës europiane
15 Tetor, 21:41 -
Turistja e huaj në protestë gris flamurin kuq e zi, përplaset me qytetarin: Ke ardhur të provokosh, kë po ndihmon? (VIDEO)
15 Tetor, 21:03 -
Protesta e dhunshme, ministri Malaj: Çdo biznes i djegur, çdo institucion i sulmuar, çdo pronë e dëmtuar mbart punën dhe sakrificën e njerëzve! Pasojat i paguajnë qytetarët (VIDEO)
15 Tetor, 21:02 -
'Zemra e babit', momenti prekës kur efektivi telefonon fëmijët gjatë protestës së dhunshme në Tiranë (VIDEO)
15 Tetor, 20:37 -
Protestat e dhunshme, Avokati i Popullit dërgon grupe monitorimi në disa komisariate të Policisë: Po verifikohet nëse të shoqëruarve u garantohen të drejtat themelore
15 Tetor, 20:15
Komente
Komento