Stela Gugallja, Mirel Mërtiri dhe Klodian Zoto tre personazhet e rëndësishme për hetimet e inceneratorëve në Elbasan dhe Fier, tashmë në kërkim ndërkombëtar, janë hetuar edhe më herët nga prokuroria e Elbasanit, për të njëjtat akuza për të cilat SPAK i ka marrë të pandehur.
Në dosjen e siguruar ekskluzivisht nga Report Tv thuhet se procedimi është regjistruar në 26 maj të vitit 2017 pas denoncimit të një personi me emrin Lefter Çollaku, i cili pas verifikimeve në regjistrin e gjendjes civile ka rezultuar anonim. Por pas hetimit një vjeçar çështja është pushuar nga Gjykata e Elbasanit, katër vjet më parë, pikërisht në 11 janar të vitit 2018.
Pushimi është kërkuar nga prokurori Anton Pali, i cili ka hetuar kallëzimin dhe është pranuar edhe nga gjyqtari paraprak Zihni Shahu. Si prokuroria dhe gjykata kanë argumentuar se faktet e paraqitura nga ana e kallëzuesit pasi janë hetuar, nuk parashikohen nga ligji si vepër penale. Report tv disponon vendimin e plotë të gjykatës së Elbasanit ku thuhet se tre personat e mësipërm janë akuzuar për disa vepra penale si ‘moskryerje të detyrave nga organit tatimor”, “shpërdorim i detyrës’, “korrupsion pasiv i personave që ushtrojnë funksione publike dhe pastrim i produkteve të veprës penale.
Në kallzimin e dorëzuar në prokurori me anë të postës shtetasi anonim Lefter Collaku vë në dukje krijimin e skemave fantazëm me qëllim vjedhjen e pasurisë shtetërore nga shoqëria Albtek Energy shpk, dhe I.T.S shpk. Bëhet fjalë për impiantin e përpunimit te plehrave në Elbasan
Por në lidhje me këtë fakt prokuroria pasi ka marrë edhe shpjegimin e të akuzuarve por edhe pas verifikimeve të bëra ka argumentuar se nuk kemi te bëjmë me skema fantazmë por kompanitë janë në marrëdhënie biznesi me njëra tjetrën. Në lidhje me ketë kallzim rezulton se është pyetur edhe admistratorja Stela Gugallja, e cila ka deklaruar se shoqëria Albtek Energy shpk është krijuar për ndërtimin dhe incenerimin e mbetjeve urbane ndërsa për shkakt të njohjes miqësore me shoqërinë ITS i është afruar ndihmë për pjesën civile.
Gjithashtu Gugallja ka deklaruar se përpara të shfaqte interesin për projektin në Bashkinë e Elbasanit ajo ka marre mbështetje financiare në vlerën 6 milion euro për periudhën e plote te koncesionit nga një banke e nivelit të dyte. Gjithashtu Gugallja ka deklaruar se shkaku që shfaqi interes për një projekt të tillë ishin studimet e shumta që e cilësonin Elbasanin si një nga qytetet me të ndotura.
Është pikërisht ky vendim që do të përdoret nga avokatët tre të akuzuarve tashmë në kërkim për të kërkuar në SPAK pushimin e çështjes me argumentin se jemi përpara një gjejë të gjykuar dhe të hetuar më parë. Ndërkohë që prokurori i çështjes Klodian Braho pritet ta dërgojë dosjen për gjykim, ku krahas tre të akuzuarve të mësipërm janë të pandehur edhe ish ministri i mjedisit Lefter Koka dhe ish sekretari i përgjithshëm i Ministrisë Alqi Bllako.
Komente
Lajme të tjera
-
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Inceneratori i Elbasanit/ Kantina e pijeve të Lefter Kokës i kalon shtetit, konfiskohen pasuritë e tij dhe 4 të tjerëve! Në total vlera 340 mln lekë
20 Dhjetor, 13:52 -
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09 -
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
-
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
Po qe se avokatet kane vetem kete linjë mbrotjte ath kta te shkretet ngelen ne kerkim per ter jeten, ose ne burg. Spak i gjeti provat per vepren penale ato prova qe prokuroria e elbasanit nuk i gjeti dot. Me çfare logjike u dashka rezuar akuza?
Përgjigju