POP 5

Lajmet më të lexuara të 5 minutave të fundit

Kronikë

Ekstradohet nga Belgjika Leonard Duka, miku që u bë armiku i betuar i Ervis Martinajt! Akuzohet si një nga autorët e vrasjes së Santiago Malkos

Leonard Duka, i shpallur në kërkim për vrasjen e Santoago Malkos dhe operacionin “Revanshi” u ekstradua këtë të premte nga Belgjika. Ai u arrestua në shkurt të këtij viti, pas kohësh në kërkim, ndërsa tashmë do të përballet me drejtësinë shqiptare. Duka njihet si një ndër rivalët kryesor të të zhdukurit Ervis Martinaj.

TIRANË-I konsideruar si një ndër rivalët më të fortë të të zhdukurit Ervis Martinaj, këtë të premte (2 gusht 2024) u ekstradua nga Belgjika, Leonard Duka.

37-vjeçari, ishte shpallur në kërkim me kërkesë të SPAK dhe vendim të Gjykatës së Posaçme si një prej autorëve të vresjes së Santiago Malkos, në atë kohë krah i djathtë i Martinajt, ngjarje kjo e ndodhur në gusht 2019 në rrugën “Xhanfize Keko”. Liria për Dukën zgjati për disa vjet, por u arrestua në Belgjikë më 14 shkurt 2024 dhe gjykatat atje dhanë dritën jeshile për ekstradimin e tij drejt Tiranës.

Gjatë kohës që ai ishte në pritje të një vendimi për ekstradim, në maj 2024, një tjetër masë sigurie u firmos në ngarkim të tij, kësaj here në kuadër të operacionit “Revanshi”, përmes së cilit u zbardhën disa ngjarje kriminale me ndihmën e komunikimeve të dekoduara në aplikacionin “SkyECC”. Në dosje thuhet se Leonard Duka bashkëpunoi me Durim Bamin dhe Endrit Doklen për të eliminuar Ervis Martinajn, atentat që mbeti vetëm në tentativë, derisa mbreti i lojërave të fati u zhduk në gusht 2022 pa lënë gjurmë.

Në të njëjtën dosje është një komunikim interesant i zhvilluar mes rivalëve të përjetshëm, të cilët më herët kishin qenë miq. Pas vrasjes së Santiago Malkos, Martinaj i shkruan Dukës se nuk e vriste dot me ata që ai i quan “gabelët e Vlorës” dhe e akuzon direkt se kishte vrarë Malkon pasi Martinaj goditi babanë e Leonardit. Në bisedat e tyre bie në sy edhe e tentativa e mbylljes së hesapeve nga të dyja palët.

Për vrasjen e Santiago Malkos, me vendim të formës së prerë, Gjykata e Posaçme e Apelit dënoi me 25 vjet burg Blendi Tetën, 28 vjet për Ilir Selmanin dhe prishje të dënimit 7 vjet burg të shkallës së parë për Elvis Gacaj dhe dërgimin e çështjes në ngarkim të tij në Gjykatën e Tiranës.

1722601125_1722601071leonardduka.jpg

Leonard Duka

S.G/A.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • jusufi: 02/08/2024 14:41

    ENVERI I REGULLONTE KETA..NE LITAR I CONTE....

    Përgjigju
  • Sondazhi i ditës:

    Si do e drejtojë Kuvendin Elisa Spiropali krahasuar me Lindita Nikollën?

Lajme të tjera



×

Lajmi i fundit

Media amerikane “CN Traveler”: Plazhet më të mira në Shqipëri

Media amerikane “CN Traveler”: Plazhet më të mira në Shqipëri

2 Gusht, 16:01