Ekzekutimi i Behar Sofisë, arrestohet grupi i vrasësve me pagesë! Autori: Na premtuan 50 mijë euro! Tradhton 3 bashkëpunëtorët! Policia: Maska dhe rrobat zbuluan killerin (Emrat)

Kontrollet në lumin e Lanës janë ndërprerë pasi nuk është gjetur arma me të cilën është vrarë Behar Sofia.

Së bashku me efektivët e Reneas ka qenë dhe autori Ernejt Shyti i cili ka treguar ku e ka hedhur pistoletën. Shyti ka deklaruar se arma nuk ka qenë me silenciator sikurse është raportuar më parë.

Nazime Visha duke dalë nga burgu

Xhuljano Visha, 28 vjeçari i cili u vu në pranga si bashkëautor me vrasësin e Behar Sofisë, nuk ishte një emër i panjohur për policinë. Xhuljano Vishën, 28 vjeç, rezulotn i dënuar më parë për veprën penale “Vjedhja”. 

Po ashtu burime bëjnë me dije se Xhuljano Visha, është kushëriri i Nazime Vishës, vajza e cila pak vite më parë ekzekutoi me armë zjarri përndjekësin e saj në një fshat të Tiranës, ngjarje kjo e cila bëri shumë bujë. 27 vjeçarja Nazime Visha, u la e lirë pasi përfitoi nga amnistia e presidentit Bujar Nishani, në vitin 2016.

Ernejt Shyti, autori i vrasjes së Behar Sofisë është kthyer në vendin e krimit në lumin e Lanës për të treguar se ku e ka hedhur armën e krimit. Ai ka preferuar të fshehu fytyrën duke mbajtur gjatë gjithë kohës kapuçin e vënë.

Pas rrëfimit të ekzekutorit të Behar Sofisë, forcat RENEA kanë hyrë te lumi Lanës  në kërkim të armës së krimit. Autori Ernejt Shyti ka deklaruar se arma është hedhur në Lanë.

Ernejt Shyti autori i vrasjes së Behar Sofisë është kontaktuar në rrjete sociale nga njëri bashkëpunëtor përpara vrasjes.

Ai është kontaktuar nga Skënder Vathi, 54 vjeç, lindur në Arrameras, Fushë Krujë dhe banues në Tiranë. Ky i fundit po ashtu ka rënë në prangat e polcisë pasi rrëfimit të Shytit i cili ka treguar si është organizuar vrasja.

Policia ka zbardhur ekzekutimin e biznesmenit Behar Sofia, pak javë më parë në kryeqytet. Në pranga të policisë ka rënë Ernjet Shyti, i cili jetonte me mamanë e tij në Tiranë, dhe ka punuar si bojaxhi në Malin e Zi, ku dhe ishte arratisur pas ekzekutimit të 66-vjeçarit.

Po ashtu policia ka vënë në pranga edhe dy persona nga Fushë-Kruja, të dënuar më parë për vepra të ndryshme penale, si bashkëpunëtor të 24-vjeçarit. Bëhet, me dije se është arrestuar Leonard Xhixha, 30 vjeç, lindur dhe banues në Arrameras, Fushë - Krujë, i dënuar më parë për veprën penale “Vrasja me paramendim” ngelur në tentativë.

Ky shtetas në vitin 2014 së bashku me disa persona të tjerë kanë tentuar që të kryejnë një vrasje me porosi, në Bulqisë, pasi kanë tentuar të ekzekutojnë shtetasin me iniciale F.A, kundrejt një pagese.

Po ashtu policia ka vënë në pranga Xhuljano Vishën, 28 vjeç, i dënuar më parë për veprën penale “Vjedhja”. Ndërkohë që bashkëpunëtori i katërt është Skënder Vathi, 54 vjeç, lindur në Arrameras, Fushë Krujë  dhe banues në Tiranë, në vitin 2016 kanë vendosur me tritoli një biznes privat në Fushë-Krujë. Kjo për shkak të prishjes së një krushqie.

Ernejt Shyti, ezkekutori i Behar Sofisë në Tiranë, ka harruar në vendin e ngjarjes rrobat, maskën dhe biçikletën, me të cilat është identifikuar. Ai jetonte me qira me nënën e tij, në kryeqytet, te rruga “Bardhyl”. Shyti është identifikuar nga ADN-ja.

Policia ka zbardhur vrasjen e Behar Sofisë. Arrestohet grup i i vrasësve me pagesë.

Ernejt Shyti, 24 vjeç, lindur dhe banues në Tiranë.

·         Skënder Vathi, 54 vjeç, lindur në Arrameras, Fushë Krujë  dhe banues në Tiranë.

·         Leonar Xhixha, 30 vjeç, lindur dhe banues në Arrameras, Fushë - Krujë, i dënuar më parë për veprën penale “Vrasja me paramendim” ngelur në tentativë.

·         Xhuljano Visha, 28 vjeç, i dënuar më parë për veprën penale “Vjedhja”.

Njoftimi i policisë:

Pas një pune hetimore të pandërprerë, nga Sektori i Krimeve të Rënda Ndaj Jetës dhe Pronës, Sektori i Forcës së Posaçme Operacionale në DVP Tiranë, Departamenti i Policisë Kriminale në Policinë e Shtetit dhe Instituti i Policisë Shkencore, nën drejtimin  e Prokurorisë pranë Gjykatës së Shkallës së Parë Tiranë, është finalizuar me sukses OPERACIONI POLICOR “PIRAMIDA”. Si rezultat është bërë e mundur zbardhja dhe dokumentimi ligjor me prova shkencore i ngjarjes së ndodhur në datë 25.02.2021, rreth orës 08:45, në bulevardin “Bajram Curri”, ku është qëlluar me armë zjarri në drejtim të shtetasit Behar Sofia.

Si rezultat i informacioneve të siguruara në rrugë operative, veprimeve të shpejta hetimore procedurale si dhe provave ligjore (shkencore) të siguruara në lidhje me këtë ngjarje, nga ana e specialistëve të Seksionit Hetimit të Krimeve Ndaj Jetës në Drejtorinë Vendore të Policisë Tiranë, është bërë e mundur kapja dhe arrestimi në flagrancë i autorëve të dyshuar të kësaj ngjarjeje, shtetasve:

·         Ernejt Shyti, 24 vjeç, lindur dhe banues në Tiranë.

·         Skënder Vathi, 54 vjeç, lindur në Arrameras, Fushë Krujë  dhe banues në Tiranë.

·         Leonar Xhixha, 30 vjeç, lindur dhe banues në Arrameras, Fushë - Krujë, i dënuar më parë për veprën penale “Vrasja me paramendim” ngelur në tentativë.

·         Xhuljano Visha, 28 vjeç, i dënuar më parë për veprën penale “Vjedhja”.

Këta shtetas, në bashkëpunim me njëri – tjetrin, kanë organizuar vrasjen e shtetasit Behar Sofia duke siguruar mjetet, armën, si dhe kanë mbajtur nën mbikëqyrje lëvizjet e viktimës për disa kohë, deri në momentin e ekzekutimit të tij. Shtetasi Ernejt Shyti, i cili ka pasur rolin e ekzekutorit në këtë ngjarje, menjëherë pas kryerjes së ngjarjes është larguar në drejtim të Malit të Zi.
Drejtoria e Përgjithshme e Policisë së Shtetit falënderon publikisht Policinë e Malit të Zi, për ndihmën e mënjehershme të ofruar për lokalizimin dhe kapjen e ekzekutorit Ernejt Shyti. Pas takimit operacional të organizuar në vendin e kalimit Hani i Hotit, të dy policitë kanë shkëmbyer informacion në kohë reale duke u finalizuar me kapjen dhe deportimin e tij.
Në fazën operacionale nga grupi hetimor janë sekuestruar prova të shumta materiale si automjete, aparate telefonike, karta sim etj. Analiza e këtyre provave hap prespektivë për identifikimin edhe të autorëve të tjerë të përfshirë në këtë krim.

Nën drejtimin e Prokurorisë së Rrethit Gjyqësor Tiranë vazhdon me intensitet puna për dokumentimin e plotë ligjor të kësjaj ngjarjeje, identifikimin dhe kapjen e personave të tjerë të përfshirë në këtë ngjarje. Policia e Shtetit garanton qytetarët se është e vendosur dhe e angazhuar maksimalisht për garantimin e rendit dhe sigurisë publike në vend  dhe fton qytetarët që të denoncojnë në numrin pa pagesë 112 e Komisariatin Dixital, çdo rast të paligjshmërisë duke iu garantuar anonimat të plotë dhe reagim të shpejtë e të paanshëm.

Zbardhen detaje të reja nga vrasja e Behar Sfisë. Autori i arrestuar në Mal të Zi, Ernejt Shyti, ka marrë statusin e bashkëpunëtorit të drejtësisë pasi ka rrëfyer ngjarjen si dhe ka treguar për 3 bashkëpunëtorët të cilët po ashtu kanë rënë në prangat e policisë.

Shyti ka tregur se vrasjen e ka bërë kundrejt pagesës. Shyti është shprehur se i ishin premtuar 50 mijë euro për vrasjen e Sofisë, shumë të cilën ai thotë se nuk e ka marrë.

„Më premtuan se nëse do të vrisja Behar Sofinë do fitonim 50 mijë euro, nga të cilat unë do merrja 20. Tre ditë para se ta vrisja duke e qëlluar dy herë me pistoletë më dhanë fotografinë e Sofisë dhe adresën e shtëpisë dhe kafes ku qëndronte. E ndoqa këmba këmbës, nuk e njihja më parë, skisha asnjëkonflikt me të. Kur ai ishte i vetëm vendosa ta qëlloj dhe u largobva me biçikletë. Armën nuk e hodha në lanë por nga kodrat e liqenit“.

Atij i ka dhënë një foto të Sofisë dhe adresën e më pas ai ka bërë vëzhgim për 3 ditë deri në vrasjen e tij. Arma e krimit nuk është gjetur ende, por vetëm gjetur rrobat e tij, maska dhe biçikleta.

Ky është Ernejt Shyti autori i vrasjes së 66 vjeçarit Behar Sofia, më 25 shkurt në Tiranë. Ai është kapur në Mal të Zi ndërsa ka pranuar dhe krimin para autoriteteve.