Emrat/ 32 mln lekë dëmshpërblim 9 ish-të dënuarve politikë, mes tyre Ali Selfo e Razip Zelenaj u pushkatuan pa gjyq në 1944 – 1947

Një fond prej 32 milionë lekë të reja është akorduar nga qeveria për dëmshpërblimin financiar për familjet e  9 ish-të dënuarve politike nga regjimi komunist mes tyre dhe 2 të pushkatuar pa gjyq.

Bëhet fjalë për Razip Zeqir Zenelaj i pushkatuar pa gjyq për «motive politike», më 20 gusht 1947, në Kutë të Fierit dhe Ali Selfo Demko (Panariti) i pushkatuar pa gjyq në nëntor të vitit 1944. Fondi i miratuar si dëmshpërblim financiar është për secilën familje 4.9 milionë lekë.

Për 7 të tjerë Gjysho Shefit Sadikaj, Mufit Ilmi Hoxha, Iljas Telha Serjani, Pavlo Ziso Memo, Neim Selfo Haxhiaj, Vangjel Anastas Dhjamandi, Prel Tom Smajelaj (Gjergji) është miratuar një fond prej 22 milionë lekë si dëmshpërblim financiar.  Në listën A të përfituesve, janë ish-të dënuar politikë të dënuar me burgim, izolim në hetuesi, izolim në institucion mjekësor apo mjekësor psikiatrik.

LEXO EDHE:
32 mln lekë dëmshpërblim 9 ish-të dënuarve politikë! Qeveria akordon fondin, mes tyre 2 të pushkatuar pa gjyq

Shpërndarja e masës së dëmshpërblimit për ish-të dënuarit politikë bëhet me këste.

Dëmshpërblimi u miratua në mbledhjen e qeverisë së datës 24 gusht 2023 dhe vendimi u publikua në fletoren zyrtare të 29 gushtit 2023

Kush ishte Ali Demko Selfo
Lindi në Korçë, në vitin 1903 ose 1906. Shkollën tregtare e kreu në Romë.
Në nëntor 1944, u pushkatua prej skuadrave partizane. Në zbatim të Ligjit nr. 7514, datë 30 shtator 1991, të udhëzimit nr. 2, datë 4 janar 1992 të Këshillit të Ministrave, komisioni i ngritur për vërtetimin e vuajtjes së dënimit me heqje lirie, të faktit të vdekjes së personit pa qenë i dënuar dhe të pushkatuarve pa gjyq, në mbledhjen e datës 7 shkurt 1992, vendosi vërtetimin e faktit të vrasjes pa gjyq për “motive politike” të Ali Selfo Panaritit, në nëntor të vitit 1944

Kush ishte Razip Zeqir Zenelaj

Lindi në Vajzë të Vlorës, në vitin 1917.
Më 21 dhjetor 1993, Gjykata e Rrethit Vlorë vendosi njohjen e faktit juridik të vrasjes pa gjyq për «motive politike» në përpjekje me forcat e diktaturës, më 20 gusht 1947, në Kutë të Fierit. AISKK, F. 1, Viti 2020, D. 125, f. 116; Aranit Hoxha, Gjëmat e komunizmit në trevën e Vlorës (Vlorë: Triptik, 2013), 40, 209; Fahri Shaska, Të quajtur armiq të popullit, 2010, 174; Bedri Blloshmi, Revolta e Qafë Barit dhe terrori komunist 1943-1990 (Tiranë: Geer, 2012), 350.

(Kliko këtu për të parë dokumentin e plotë)

TAG:
• demshperblim
• Ali Demko Selfo
• Razip Zeqir Zenelaj
• ish te denuarit

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23.9%

• Keq

  62.5%

• Nuk e di

  13.6%

Vota total: 3120

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di