Enca Haxhia dhe i dashuri i saj 'arratisen' në Dubai, dyshja ndajnë momente nga pushimet e tyre

Këngëtarja Enca Haxhia dhe partneri i saj Mickey Neblett, romancën me të cilin e bëri publike vetëm pak ditë më parë kanë ndarë disa foto dhe video në rrjetet sociale nga pushimet e tyre në Dubai.

Së fundmi, dyshja kanë vendosur t’i japin vetes disa ditë të mira pushimi në Dubai të Emirateve të Bashkuara Arabe, këtë e ka bërë të ditur partneri i Encës i cili ka ndarë një video me momentet e tyre në instagram.

Videoja nis me tavolinën e dyshes në hotel, e cila është e zbukuruar me portretet e tyre, e më pas ata udhëtojnë me makinë në rrugët e Dubait, teksa vizitojnë destinacione të ndryshme luksoze dhe e përmbyllin videon me pamje nga ura Meydan.

Kujtojmë se lajmi për romancën e dyshes nuk u prit mirë nga fansat e këngëtares dhe për këtë ajo bëri një reagim në rrjetet sociale.

“Pse i bardhë, pse  i zi. Pse i huaj, pse malok. Pse plak, pse i ri. Pse të pasur, pse të varfër… Më pak urrejtje më shumë dashuri. Ju premtoj që jeta është shumë më e bukur kur e jetoni për veten” u shpreh Enca.

 

M.T/Shqiptarja.com

TAG:
• Emiratet e Bashkuara Arabe
• dubai
• showbiz
• enca haxhia