SHBA- Ish-presidenti i Shteteve të Bashkuara, Donald Trump, ishte shënjestër e një përpjekjeje për ta vrarë, tha Byroja Federale e Hetimeve, FBI. Sulmi me armë ndodhi pranë një prej klubeve të tij të golfit në Florida, vetëm nëntë javë pasi Trump, kandidat i Partisë Republikane për president, i mbijetoi një tjetër atentati në një tubim në Pensilvani.
Policia tha përmes një deklarate se Trump “është i siguruar dhe nuk është dëmtuar nga atentati i mundshëm”. Fushata e Trumpit tha, gjithashtu, se kandidati 78-vjeçar është mirë, pas të shtënave me armë në afërsi të tij.
I dyshuari u kap brenda disa minutave dhe është dërguar në paraburgim. Autoritetet nuk e bënë publik emrin e tij, por mediat amerikane e identifikuan atë si Ryan Wesley Routh, 58-vjeç. Ai menaxhon Camp Box në Honolulu dhe donte të bënte tre gjëra kryesore në jetë: të luftonte në Ukrainë, të rekrutonte ish-ushtarë afganë dhe t'i dërgonte në Tajvan për të mbrojtur ishullin nga pushtimi kinez.
Një kritik i Trump në mediat sociale. Routh postoi në X në lidhje me atentatin ndaj ish-presidentit në korrik, duke inkurajuar Presidentin Joe Biden dhe Zëvendës Presidentin Kamala Harris që të vizitonin të plagosurit.
“Trump nuk do të bëjë kurrë asgjë”, shkroi Routh.
Për gjendjen e shëndetit mendor të Routh nuk dihet asgjë, ndaj edhe nuk mund të arrihet në konkluziuone përfundimtare. Ashtu si Thomas Matthew Crooks, sulmuesi i Butlerit, kishte kërkuar trajtim në internet për raste të rënda depresioni.
Ndërkohë sipas mediave amerikane 58-vjeçari është një person me precendent penal. Në vitin 2002, kur ishte vetëm 36 vjeç ai u arrestua në Karolinën e Veriut për posedim të një mitralozi. Ndër precedentët në dosjen kriminale të Routh përveç mbajtja fshehurazi e armëve, janë edhe vjedhja, rezistenca ndaj një zyrtari publik apo drejtimi i mjetit me patentë të pezulluar.
Sipas mediave të huaja, i dyshuari duket se ka qenë i motivuar nga zhgënjimi me politikën e SHBA-së për luftën në Ukrainë. Në një intervistë të qershorit 2022, Routh foli për përpjekjet e tij për të rekrutuar vullnetarë për “Mbrojtjen Ndërkombëtare të Legjionit të Ukrainë".
Routh shprehu mbështetje për Ukrainën në dhjetëra postime të publikuara në X në vitin 2022, duke u shprehur se ai ishte i gatshëm të vdiste në luftë dhe se “ne duhet të djegim Kremlinin deri në dhe”. Po në këtë vit ai vizitoi Ukrainën, sipas videove dhe fotove të gjetura nga CNN. Në disa prej postimeve në Facebook vitin e kaluar, ai u përpoq të inkurajonte rekrutët afganë për të luftuar, duke u paraqitur si një ndërlidhës për qeverinë ukrainase.
Pas lajmeve të atentatit ndaj Trump djali i 58-vjeçarit Ryan është shprehur se babai i tij është një njeri i ndershëm dhe punëtor.
“Nuk e di se çfarë ndodhi në Florida, nga ajo që kam dëgjuar ai nuk duket si personi që unë njoh. E di që ai është një baba i mirë”, tha Ryan.
Ish-presidenti amerikan ka qenë ditën e djeshme, 15 shtator, sërish objektiv i një atentati. Të shtëna me armë zjarri janë dëgjuar klubin e tij të golfit në West Palm Beach të Floridës. Sherifi i Qarkut Palm Beach, Ric Bradshaw tha se agjentët e Shërbimit Sekret të SHBA-së qëlluan në drejtim të një personi që kishte drejtuar një pushkë të stilit AK drejt klubit, ndërsa Trump ishte duke luajtur golf.
Bradshaw tha se personi i armatosur kishte gjithashtu dy çanta shpine të varura në një gardh dhe një kamerë GoPro dhe se ai ishte rreth deri në 500 metra larg nga Trump dhe i fshehur mes shkurreve, ndërsa ish-presidenti luante golf.
Kujtojmë që Trump u plagos më 13 korrik në një atentat në një tubim të fushatës në Butler, Pensilvani. Një sulmues hapi zjarr, duke plagosur ish-Presidentin në veshin e djathtë. Si pasojë e të shtënave një spektator humbi jetën dhe dy të tjerë u plagosën.
Një reagim ka ardhur nga miliarderi Elon Musk, i njohur për mbështetjen e tij të hapur ndaj ish-Presidentit Donald Trump, pas atentatit të ndodhur ndaj këtij të fundit.
“Askush nuk po kërkon të vrasë Biden ose Harris”, shkroi ai, pa bërë shpjegime të mëtejshme se çfarë donte të thoshte ose të nënkuptonte.
Postimi i Musk shkaktoi reagime të forta tek shumë ndjekës.
Një përdorues i pltaformës 'X' shkroi: “Askush nuk duhet të përpiqet të vrasë askënd!”.
Një përdorues tjetër tha se Musk kishte nevojë urgjente për ndihmë: “Kjo është sjellje e çmendur dhe shumë e rrezikshme”.
Ish-presidenti i SHBA-së dhe njëkohësisht kandidati për president në zgjedhjet e radhës Donald Trump ka reaguar sërish pas atentatit të dytë ndaj tij, të ndodhur ditën e djeshme në Florida. Trump me një reagim në rrjetin social “Truth”, ka falënderuar të gjithë mbështetësit e tij dhe veçanërisht Shërbimin Sekret amerikan për gatishmërinë.
Kandidati për President është shprehur se është krenar që është amerikan duke theksuar se puna e përkushtuar e forcave të urdhërit, e ruajti figurën e tij për të qenë Presidenti i 45-të i Shteteve të Bashkuara të Amerikës.
Nga ana tjetër Trump është shprehur se sipas tij “ai që konsiderohet popullor dhe është i dashur nga masat do të qëllohet nga kriminelët”. Së fundmi në reagimin e tij Trump, e mbyll mesazhin duke iu drejtuar ndjekësve se “nuk do të lejojmë që bastardët të na rrëzojnë”.
“Unë do të doja t’iu falënderoja të gjithëve për shqetësimin dhe urimet tuaja. Sigurisht që ka qenë një ditë interesante, mbi të gjitha, dua të falënderoj Shërbimin Sekret të Shteteve të Bashkuara, Sherif Ric Bradshaw dhe zyrën e tij të patriotëve të guximshëm dhe të përkushtuar. Falënderoj Forcat e Urdhrit për punën e pabesueshme që bëtë sot në Trump International për të më mbajtur mua, si President i 45-të i Shteteve të Bashkuara dhe kandidati republikan në zgjedhjet e ardhshme presidenca. Puna që bëtë ishte absolutisht e jashtëzakonshme dhe jam krenar që jam amerikan! Nëse je popullor, do të të qëllojnë, le të mos e lëmë të na rrëzojë. Kur je popullor, kriminelët në fakt të qëllojnë... Dhe përpiqen të të godasin nga çdo kënd! Mos lejoni kurrë që ata bastardë t'ju rrëzojnë", shkroi Trump.
Komente
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
nuk i doli gje me debatin tv doli prej andej i deshtuar tani fillon e trillon historira te tilla
Përgjigjupo pse si ndoll Bajden ose harris meqe kjo e fundit paska dale fituese Ajo eshte vetem nje kukull ne doren e mjeshtave edhe ne duhet te jemi skllevrit e tyre lexo pak me shume te hapesh syte .