POP 5

Lajmet më të lexuara të 5 minutave të fundit

Kultura

‘Enveriada’/ Hipokrizia e pushtetit dhe politikës në librin e Alfred Pezës: Jemi shteti i fundit që nuk i kemi ndryshuar elitat e ’90...( VIDEO)

Alfred Peza rikthehet me librin e tij të tretë ‘ Enveriada’. Në një intervistë në emisonin ‘’ Rreze Dielli’’ në Report Tv, ai tregoi më tepër për romanin e tij të fundit të cilësuar si një triller politik. Ngjarjet e romanit janë vendosur në periudhën komuniste në Shqipëri. 

TIRANË-  Alfred Peza rikthehet me librin e tij të tretë ‘ Enveriada’. Në një intervistë në emisonin ‘’ Rreze Dielli’’ në Report Tv, ai tregoi më tepër për romanin e tij të fundit të cilësuar si një triller politik. Ngjarjet e romanit janë vendosur në periudhën komuniste në Shqipëri, edhe pse  personazhet janë të trilluara, ai është frymëzuar shumë nga historitë e vërteta të kohës në të cilën janë vendosur personazhet dhe historitë: 

“E gjitha nis në momentin kur paraardhësi që është zoti i Enveriadës largohet nga skena politike për t’i lënë vendin udhëheqësit të ri. Uhdëheqësi I ri nis dhe bën gabime, dhe vetëm kur bën gabim pas gabimi e marrin dhe e cojnë tek qendra sekrete e pushtetit ‘Syri i Shqiponjës'  tha ai. 

I pyetur nëse ka grimca realiteti, nëse ka ndonjë emër apo personazh konkret që i referohet dikujt, Alfred Peza  u shpreh se është frymëzuar nga disa histori reale:

 “Jam frymëzuar nga disa histori reale, pasi është një periudhë ku edhe nga ana gazetareske kam lëvruar edhe zhanerin e dossier-it herë pas here, ne mediat shqiptare në këto 30 vite, dhe kam patur shumë kontakte me njerëz shumë të rëndësishëm, të asaj epoke, të asaj periudhe të atij regjimi, që nga Ramiz Alia, intervistën e fundit e ka dhënë para se të ndërroj jetë, me mua në një media televzizse ashtu sikund kam pasur rastin si gazetar të intervistojë Nexhmije Hoxhën,apo të takojë shumë nga ta personazhe që kanë qenë në qendër të gjithë asaj që ndodhi në atë epokë dhe në atë periudhë” u shpreh ai.

Ashtu si në librin e tij ‘ Sarah’ edhe në librin e tij të dytë të këtij zhaneri nuk mund të mungonte një histori dashurie, edhe brenda trillit politik, edhe pse nuk mund të puqen të dyja dashuria dhe politika:

“Ishte një dashuri aq e pastër, aq e dëlir sa ajo më pas nuk përfundoi ashtu sikurse pothuajse nuk përfundonin dashuritë e vërteta në atë epokë. Deri në vitin 1967 kanë qenë martesat në djep, ku lindte vajza dhe djali dhe të parët e dy familjeve i konsideronin  të lidhur fatet e tyre që në djep, dhe ata e shihnin për herë të parë njëri-tjetrin, vetëm në dhomën e çiftit natën e dasmës. Më pas erdhën martesat me shkes me mblesëri. Fejesat e viteve 80’ sa më shumë i afroheshim viteve 90’ po bëheshin gjithmonë e më tepër në bazë të dashurisë dhe një nga këto histori është kjo. Por kjo histori ishte e ngjizur artificialisht nga skemat e qendrës së pushtetit për të eliminuar pasardhësin për t’i hapur rrugën ngjitjes së udhëheqësit, të ri në pushtet.

Ndërsa u shpreh edhe për politikën në Shqipëri dhe problematikat e saj më të mëdha: 

 ''Ne jemi akoma shteti i fundit  i Evropës lindore në këtë anë të perdes së atëhershme  të hekurt që nuk i kemi ndryshuar elitat e ’90. Imagjino që ne themi që Enveri qëndroi 40 vjet në pushtet me 1 parti politike, në diktaturë me gjithë ato instrumenta për të kontrolluar gjithçka dhe ne e kemi të pamundur të mos qarkullojmë elitat në pluralizëm ku po e kapin dhe po e kalojnë dhe Enver Hoxhën” përfundoi ai.

 

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46