POP 5

Lajmet më të lexuara të 5 minutave të fundit

Kronikë

S'ishin në listën për t'u shpëtuar, por mashtruan duke ardhur 2 ditë më parë në Shqipëri me dokumente false dhe u çuan në Shëngjin, në pranga 2 afganë

2 afganë, 23 dhe 27 vjeç, të cilët janë akomoduar në Shëngjin, janë vënë në pranga. Ata nuk ishin në listën e personave për tu strehuar në Shqipëri dhe kishin arritur të vinin në vendin tone përmes dokumenteve të falsifikuara.

S'ishin në listën për t'u shpëtuar, por mashtruan duke ardhur 2 ditë më parë në Shqipëri me dokumente false dhe u çuan në Shëngjin, në pranga 2 afganë

Afganë në Shëngjin

2 afganë, 23 dhe 27 vjeç, të cilët janë akomoduar në Shëngjin, janë vënë në pranga. Ata nuk ishin në listën e personave për tu strehuar në Shqipëri dhe kishin arritur të vinin në vendin tone përmes dokumenteve të falsifikuara. Në këtë mënyrë kanë kaluar 2 ditë më parë në pikat kufitare dhe janë zbuluar kur kanë ardhur për tu akomoduar në Shëngjin.

"Specialistët e Seksionit të Krimit Ekonomik e Financiar në Drejtorinë Vendore të Policisë Lezhë, si rezultat i masave të shtuara për evidentimin dhe goditjen e paligjshmerisë në fushën e  falsifikimit të dokumenteve, bazuar në informacionet e siguruara për shtetas afganë të akomoduar në Shëngjin, që mund të përdornin dokumente të falsifikuara, kanë kryer verifikime ndaj dokumenteve të shtetasve S. S.dhe S. K.

Gjatë verifikimeve, dokumentet e identifikimeve, të udhëtimit dhe formularët e vetëdeklarimit të dy shtetasve të lartpërmendur kanë rezultuar të falsifikuar. Në vijim të veprimeve u arrestuan në flagrancë shtetasit afganë, S.S.,23 vjeç dhe S.K.,27  vjeç,  për veprën penale “Falsifikimit të letërnjoftimeve, të pasaportave ose të vizave”, "Falsifikimi i vulave, stampave ose i formularëve" dhe "Falsifikimi i dokumenteve". Materialet i kaluan Prokurorisë së Rrethit Gjyqësor Lezhë, për veprime të mëtejshme", thuhet në njoftimin e policisë së Lezhës.

Kujtojmë se mbi 400 afganë u vendosën në Shëngjin në fillim të muajit shtator pas marrëveshjes mes Shqipërisë dhe SHBA për të ofruar siguri për afganët që lanë vendin e tyre nga kërcënimi i talebanëve.

Në total, në Shqipëri kanë mbërritur rreth 1000 afganë të cilët janë strehuar në hotelet në qytetet bregdetare. Ato do të qëndrojnë për një kohë të pacaktuar me destinacionin e fundit SHBA, e ndërsa vetë kreu i qeverisë Edi Rama ka deklaruar se nëse ndonjëri prej tyre dëshiron që të qëndrojë përgjithnjë, është krejtësisht i lirë. Shqipëria ishte ndër vendet e para që u angazhua për të strehuar qytetarët afganë të cilët po largohen nga vendi i tyre, pasi u kërcënohet jeta nga talebanët dhe një gjë e tillë është vlerësuar maksimalisht nga ndërkombëtarët. Strehimi i tyre në kampe është mohuar kategorikisht si mundësi, kjo për shkak të kohës së gjatë që do të qëndrojnë në Shqipëri. 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eva: 27/10/2021 18:22

    Edhe eshte vetem fillimi, prisni sa te ambientohen edhe ketu do i lexojme bemat e tyre…

    Përgjigju
  • Ada: 27/10/2021 14:56

    Keta jane shkecetaret berthamore qe ftoi Rama, antishqiptari me i madh pas Esat Pashes.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58