Kryedemokrati Lulzim Basha ka dalë sot në foltorën e selisë blu dhe ka lëshuar një lumë akuzash ndaj kundërshtarëve politikë. Ndërkohë që ambasadori i BE-së dhe ai austriak në Tiranë i kërkuan që debatin politik opozita ta bëjë në Kuvend duke i dhënë fund bojkotit, Basha doli dhe intensifikoi sulmin, duke inkriminuar gjithëkënd që ka patur përballë në zgjedhje e që e ka mundur atë.
Kuptohet, Basha do të vazhdojë të justifikohet përpara të tijëve për rezultatet e dobëta të PD-së në zgjedhje dhe heqja e fajit nga vetja dhe lënia në fushën e kundërshtarit është një strategji e njohur në politikë. Por ato që të bëjnë përshtypje në akuzat e Bashës sot janë dy elementë që kanë të bëjnë me standartet dhe faktet.
Le t’i marrim me radhë.
Sa i përket standarteve, sot përgjigjen e dha ambasadori i BE-së dhe ai austriak, ku thanë se zgjidhja vjen nga debati në Kuvend dhe jo bojkoti.
Ambasadori austriak ishte i qartë kur deklaroi sot se “Vettingu i politikanëve është shumë i domosdoshëm dhe do të ndodhë pasi të kemi institucionet që kërkojne pak durim, sepse vitin e ardhshëm do të ketë zyra kombëtare e hetimit, do të ketë Spak dhe pastaj kjo do të jetë organi i dizajnuar për ta bërë këtë pune”, duke e rrëzuar njëherë e mirë idenë e Bashës për vetting në politikë, nga politika.
Do të mjaftonte kaq për të rrëzuar të gjithë deklaratën e Bashës që pasoi më pas, por në kushtet kur sondazhet e brendshme të PD-së tregojnë se demokratët nuk po njohin asnjë rritje në elektorat, e vetmja zgjidhje mbetet hedhja e fajit te kundërshtari dhe inkriminimi i këtij të fundit.
Gjithësesi, përtej luftës politike që mund të themi se është e justifikuar, gabimi i Bashës kur hedh akuza dhe inkriminon kundështarin që e mundi në 2015 dhe 2017-tën, është se nuk po mundet ta ilustrojë me asnjë provë konkrete apo fakt akuzën e tij.
Lulzim Basha i mori sot me radhë të gjithë kundërshtarët duke i futur të gjithë në një thes për ta treguar pastaj thesin si problemin e humbjeve të tij. Por, nuk jepte asnjë fakt që të vërtetonte që zgjedhjet nuk i kishte humbur ai, por ja kishin vjedhur e blerë të tjerët.
Pikërisht ky ishte momenti kur gjithë ajo deklaratë iu kthye Bashës kundër. Mospasja e asnjë fakti veç retorikës politike, në rastin e Bashës është edhe më e rëndë. Sepse, padashje Basha sot i kujtoi qytetarëve faktet që janë kundër tij dhe partisë që drejton. Ai sot iu kujtoi shqiptarëve Gërdecin, 21 janarin, 8 majin, Rrugën e Kombit….!
Këto janë fakte, të cilat inkriminojnë rëndë atë bashkë me një pjesë të mirë të partisë së tij. Këto ngjarje janë të filmuara, të dokumentuara dhe po aq të tmerrshme. Këto ngjarje kanë marrë dhenë deri në Hollivud. E për këto ngjarje që të gjithë i kanë parë faktet me sy, dikush duhet të mbajë përgjegjësi.
Për këto arsye, Lulzim Basha sot duke dalë e duke marrë nëpër gojë cilindo që i vinte ndërmend pa asnjë fakt a provë, veçsa iu kujtoi shqiptarëve edhe njëherë se kush janë në fakt faktet dhe provat kriminale të tij dhe Partisë Demokratike./TemA/
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Basha: Tymi që mbulon sot Elbasanin është akuza më e madhe publike ndaj Edi Ramës, projekt korruptiv
9 Nëntor, 15:58
Luli t i kan ik trute xhuro . Nuk di ca flet dhe as nuk kupton
Përgjigju