POP 5

Lajmet më të lexuara të 5 minutave të fundit

Sociale

Festivali i Lang Lang
ndriçon Libanin

Qindra fansa të muzikës u mblodhën sëbashku në portin historik të Fenikasve, në Byblos, ku pianisti i shquar Kinez Lang Lang hapi koncertin e tij të parë si pjesë e Festivalit Ndërkombëtarë të Byblos në Liban për vitin 2014-të që realizohet çdo vit gjatë sezonit veror.
Qindra fansa të muzikës u mblodhën sëbashku në portin historik të Fenikasve, në Byblos, ku pianisti i shquar Kinez Lang Lang hapi koncertin e tij të parë si pjesë e Festivalit Ndërkombëtarë të Byblos në Liban për vitin 2014-të që realizohet çdo vit gjatë sezonit veror.

Pianisti 32 vjeçar nga Kina, një fenomen i jashtzakonshëm që ka frymëzuar miliona njërëz nëpër botë, nisi t’i biente pjanos që në moshën 3 vjeçare pasi u inspirua nga një episod në filmin vizatimor Tomi & Jerry në të cilin macja Tom po luante pjesën e Rapsodisë Hungariane Nr. 2 nga Franz Liszt.

Në një intervistë të tij në hollin e hotelit ku ai po qëndronte para koncertit, Lang shpjegon se frymëzimi i tij i parë erdhi nga Tomi & Jerry por në të vërtetë ai inspirohej nga çdo muzikë, qoftë në filma vizatimorë, koncerte apo gjatë jetës së përditshme, duke u shprehur se merr një kënaqësi të papërshkrueshme kur luan muzikë, çka e bën të jetë dhe më kreativ gjatë shfaqjeve të tij.

I përshëndetur nga pianistët më të mirë në botë, Lang, i cili i solli rrethit të koncertit klasik një hije moderniteti, u shpreh se muzika klasike është e përjetshme dhe nuk vdes kurrë, ndaj ai luan të njëjtën muzikë klasike duke e përshatur, për të theksuar elementë të rinj të saj, çka e bën atë të jetë më e gjallë dhe pasionante.

Pritja e tij në skenë u bë më duartrokitje e brohoritje entuziaste nga të gjithë të pranishmit dhe fansi gjerman i Lang, Sebastian, shprehet se ishte një koncert i mrekullueshëm për të cilin ndihej i lumtur që merrte pjesë pasi bëhej një shkrirje dhe bashkim i bukur mes kulturave të vendeve të ndryshme të botës. Përformanca e Lang u vlerësua shumë dhe pse zgjati vetëm për një orë, pasi sipas një tjetër fansi bashkimi i valëve të oqeanit me muzikën e tij krijonte një efekt special dhe pothuajse perfekt.

Redaksia Online
(Suada B. / Shqiptarja.com)

/Shqiptarja.com
  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?

Lajme të tjera



×

Lajmi i fundit

“Vendim çnjerëzor” – Basha shpërthen pas refuzimit të Thaçit për të marrë pjesë në varrimin e babait: Një shkelje e rëndë

“Vendim çnjerëzor” – Basha shpërthen pas refuzimit të Thaçit për të marrë pjesë në varrimin e babait: Një shkelje e rëndë

17 Mars, 23:04