Fier/ 17 vjeçari plagoset brenda në korridorin e gjimnazit në Cakran, u përlesh me një bashkëmoshatar pas sherrit në Snapchat

FIER -  Konflikti mes dy adoleshentëve i nisur mbrëmë në Snapchat u zhvendos në një nga korridoret e shkollës së mesme "Mustafa Hoxha' në Cakran të Fierit, ku një 17 vjeçar ka plagosur me biçak shokun e tij të shkollës

Ngjarja ndodh një muaj pas vrasjes po me thikë të 14 vjeçarit Martin Cani nga shoku i tij i shkollës, 'Fan Noli"

Burime nga policia e Fierit bëjnë me dije se sherri i nisur mbrëmjen e djeshme (12 dhjetor) në rrjetin social Snapchat degradoi mëngjesin e sotëm në korridorin e shkollës ky dy 17 vjeçarët janë konfliktuar fillimisht verbalisht. Më pas 17 vjeçari B.D, ka goditur me thikë biçak në krah bashkëmoshatarin e tij Y.Xh. Ky i fundit u transportua në spitalin rajonal të Fierit dhe ndodhet jashtë rrezikut për jetën. Në një intervistë ekskluzive për Report Tv 17 vjeçari tregon se e ka shpëtuar një mësuese dhe falë saj është gjallë.

Konflikti është parë nga dy mësuese të cilat kanë qenë dëshmitare,ndërkohë që 17 vjeçari është shoqëruar në qendrën shëndetësore të Cakranit disa metra larg.

17 vjeçari ka marrë 4 plagë në trup.

Ndërkohë B.D., është shoqëruar në polici për veprime të mëtejshme, teksai i është sekuestruar thika me të cilën goditi adoleshentin tjetër.

'Rreth orës 08:30, në fshatin Cakran, Fier, në ambjentet e shkollës së mesme Cakran, gjatë një konflikti të çastit mes dy nxënësve, njëri prej tyre shtetasi, B. D.,17 vjeç, ka goditur me mjet prerës në krah bashkëmoshatarin shtetasin Y. Xh, të (dy nxënës të kësaj shkolle). Shtetasi Y. Xh., u transportua në spitalin Rajonal Fier, për ndihmë mjekësore, jashtë rrezikut për jetën.', njofton policia.

Burime për Report Tv bëjnë me dije se shkolla ka edhe roje edhe oficer sigurie, ndërsa është hera e parë që ndodhin konflikte të tilla në këtë shkollë. 

Prindërit shprehën të frikuar për sigurinë e fëmijëve, teksa theksuan se më parë ka pasur sherre me grushte në shkollë, ku janë dhunuar dhe mësuesit. Shkolla ka roje edhe oficer sigurie, por sipas tyre s’ka ndikuar ne përmirësimin e situatës.

“Institucioni i parë është parlamenti që i bënë ata të dhunshëm, aty përdoren shprehjet më banale nga të gjitha institucionet që janë në Shqipëri. Nuk është hera e parë, por s'janë bërë publike. Kanë rrahur edhe mësuesin, janë bërë bashkë 3 ose 4 çuna dhe kanë rrahur mësuesin. Unë e kam shtëpinë këtu afër shkollës dhe informohen për ato që ndodhin”.

 ‘Shumë shqetësuese dhe dëgjova se policia kishte thirrur prindërit dhe asnjë reagim. Nuk e di se çfarë do të bëhet. Në këtë shkollë mesa di është rasti i parë që ka ndodhur’, tha një prindër.

Pavarësisht ngjarjes së rëndë, mësimi në gjimnazin “Mustafa Hoxha” ka vijuar normalisht ndërsa ekspertë të policisë dhe prokurorisë po punojnë për të zbardhur dinamikën e ngjarjes dhe shkakun e konfliktin në “Snapchat”.

Rendit zhvillimet sipas orarit:

Të Fundit Të Parat

G.K/Xh.K/Shqiptarja.com

TAG:
• plagosje me thike
• Fier
• cakran
• bullizmi
• Media sociale
• snapchat