Në një intervistë në ‘’ Rreze Dielli’’ folëm me regjisorin shqiptar me famë ndërkombëtare Andi Deliana. Ai prej vitesh ka krijuar karrierën e tij si regjisor në Amerikë, por tashmë është kthyer në Shqipëri për të risjellë një film të ri ‘’ Misioni’’, xhirimet e të cilit janë ndërprerë për shkak të pandemisë.
E megjithë kufizimet e këtyre kohëve ai dhe ekipi i tij po përgatiten, duke vendosur fillimisht vendet e xhirimit, pasi filmi do të vendoset në vitet 1980 në Shqipëri, ndërsa më pas do të zhvendosen në Francë dhe Belgjikë.
‘’ Është një ngjarje e viteve 80’, një pjesë e mirë e ngjarjes ndodh në Shqipëri, një pjesë tjetër ndodh paralelisht në Francë, në një periudhë ku po përgatitej një ndryshim i madh në Europën e atëhershme, që është mbarimi i Luftës së Ftohtë, është një marrëveshje e Gorbaçov në vitet 85’ për ndërprerjen e programeve që ata kishin në luftën e yjeve, që ishte një program i atëhershëm, do ishte shumë interesante t’i ndjekësh edhe njëherë me një distancë 30-40 vjeçare që të shikosh si kanë qenë ngjarjet atëherë. Ngjarjet zhvillohen në Shqipëri por janë në këtë suazë, ndjehet një lloj tensioni politik në Shqipëri në këtë familje që ne kemi vënë në fokus. Dhe çfarë ndodh me këta në një moment të caktuar jo vetëm politikisht po edhe brenda familjes ka ndodhur një çarje një dyzim vlerash brenda familjes dhe si do të koperojnë këta njerëz me këtë situatë të re’’ shprehet regjisori Deliana për historinë që ka zgjedhur për filmin e tij më të ri.
Pjesë e filmit do të jenë edhe aktorët shqiptarë Ndriçim Xhepa, Arben Bajraktaraj ,Gent Bejko, Ardian Cerga. Si dhe emra ndërkombëtarë si: Lia Sanchez Baltodano apo Luis Lombardi.
‘’ Ndriçimin e kam pasur në mendje prej vitesh, kam pasur shumë qejf të punoj me Ndriçimin. Unë kam një simpati për atë si aktor por edhe si personazh, si njeri duke e njohur edhe nga afër, e pëlqej shumë personalitetin e tij, si punon ai, prandaj edhe Ndriçimi është një nga figurat e kastit’’
Ndërsa thekson ndër aktorët shqiptarë që ka përzgjedhur për kastin Gentian Zenelaj, duke bashkëpunuar me të për të tretën herë. Ai vë në dukje edhe faktin se nuk është vlerësuar si duhet si aktorë, por është anuar më shumë tek pjesa e komedisë:
‘’ Me Gentin kam punuar edhe herë tjetër, nuk është hera e parë, është hera e tretë që punojmë bashkë. Është i lezetshëm, është shumë i këndshëm. Është një aktor që nuk është vlerësuar aq sa duhet, si aktor është i jashtëzakonshëm. Mendoj se e kanë fokusuar tek humori. Ai ka një diapazon shumë më të gjerë, dhe nuk e kanë marrë për role të tjera. Ai është mbase më i pa eksploruar nga kjo pjesë. Unë jam i kënaqur që e kam përdorur në diçka tjetër, jo në komedi. Këtu është pjesë le të themi e të keqes, e personazheve të sigurimit të shtetit partia etj. Po ka edhe këtë humorin, që ai nuk e lëshon nga dora, por mbrapa ti shikon që nuk ka qëllime të mira.
Megjithëse xhirimet e filmit pritet të nisin në pranverën e 2021-shit, historia dhe kasta e zgjedhur e aktorëve duket se ka tërhequr mjaft vëmendje.
Lajme të tjera
-
Kosovë, përfundon edicioni i 23-të i Festivalit “DokuFest”, ndahen 11 çmimet për filmat më të mirë
12 Gusht, 16:41
-
Ditët perfekte të një pastruesi banjosh në Tokio
4 Qershor, 18:31
-
Bazuar në ngjarje të vertetë, xhirohet në Kukës filmi për hakmarrjen 'Triumf pa lavdi'! Me regji të Mentor Mataj dhe aktorët Bujar Asqeriu e Mehdi Malkaj
20 Maj, 16:29
-
DiCaprio do të luajë Frank Sinatrën në filmin e ri
20 Prill, 10:04 -
Me konkurrentë nga e gjithë bota, Tirana Film Office përzgjidhet në listën e 5 më të mirëve
16 Prill, 14:12 -
“Kam frikë se ma marrin”, Anxhela Peristeri tregon pse nuk publikon foto me partnerin
13 Prill, 17:10 -
'Shënime video'/ Artisti Driant Zeneli ‘rizbulon’ shkencëtaren e parë shqiptare përmes një filmi
22 Shkurt, 19:24
-
'Aleksandër'/ Në film historia e mekanikut që rrëmbeu anijen e flotës për t'u arratisur nga Shqipëria, i vranë të bijën 5 vjeçe! Regjisori: Xhirimet mes tre kontinenteve
1 Shkurt, 16:31
-
Intervista për Report Tv/ Neritan Ceka kujton çfarë i thoshte Azem Hajdari Berishës në 1990: E goditi partinë me vare! PD e PS u dominuan nga njerëz të rastit, jo me ide
8 Dhjetor 2023, 15:02 -
Filmi ikonë ‘Lulëkuqet mbi mure’ i nënshtrohet restaurimit në formatin 4K, shfaqet sot në kinema me kualitetin më të lartë
6 Dhjetor 2023, 08:20 -
‘Hakmarrja’ e Simonetta Dellomonaco, e cila u largua nga Komisioni i Filmit të Puglias bën bashkë Macronin dhe Ramën
23 Tetor 2023, 13:01 -
Rusët qëndrojnë në radhë për të parë filmin e Barbie pavarësisht sanksioneve
28 Shtator 2023, 12:35
