TIRANË- Skolioza po shndërrohet në një problem shqetësues për shëndetin e njeriut, kryesisht të moshat e reja. Fizioterapisti Kleton Kadillari në një intervistë për Report Tv ka bërë me dije se grup-moshat më të prekura janë ato nga 8 deri në 13 vjeç, teksa situata bëhet më alarmante kur thotë se për fat të keq ka pasur raste kur kjo sëmundje e shtrembërimit të shtyllës kurrizore ka ardhur edhe te moshat 3 apo 6 vjeç.
“Mosha 8-13 është më e prekura, mirëpo sipas studimeve të viteve të fundit ka dhe fëmijë 3-6 vjeç, dhe kjo është një shifër shqetësuese”, tha Kadillari.
Ai ka sqaruar edhe mënyrat se si një prind mund ta dallojë me sy të lirë nëse fëmija i tij ka një formë të gradës së avancuar të skoliozës.
“Në fazën fillestare është pak e vështirë, se duhet bërë një konsultë, por nëse skolioza ka avancuar mund të dallojmë që njëra shpatull është më poshtë se tjetra, dhe një disnivel të kockave të legenit, ku njëra anë është më lartë se tjetra. Këto janë shenjat kryesore, dhe mund të bëjnë edhe një test tjetër, me këmbën drejt dhe krahët e varura dhe ku të shihet që njëra anë është pak më e varur se tjera”, shtoi fizioteraposti.
Për fëmijët që janë të diagnostiuar me këtë sëmundje, Kadillari ka treguar për Report Tv disa ushtrime që mund të bëhen në kushte shtëpie, pa kosto dhe asnjë mundim. Ai listoi se mbajtja e çantave të rënda, mënyra e qëndrimit, por edhe kalimi i një kohe të gjatë përpara celularit janë ndër shkaktarët kryesor që ndikojnë në shfaqjen e kësaj sëmundje.
“E mira është të bëjnë ushtrime akrobacie, që mund të bëhen në kushte shtëpie, të shoqëruara me frymëmarrje dhe streçing, që të ruhet fleksibiliteti i muskujve që të ndikojë në lehtësimin e simptomave, megjithatë rastet janë të veçanta”, deklaroi në Report Tv fizioterapisti.
Nisur nga fakti se me kalimin e viteve kjo sëmundje bëhet e vështirë për t’u kuruar, ai ka pasur një mesazh shumë të rëndësishëm për prindërit.
“Duhet të bëjnë kontrolle të paktën 1 herë në vit, idealja për të parandaluar devijimet e kolonës”, tha ai.
Fizioterapisti sugjeroi që fëmijët të aktivizohen në aktivitete të ndryshme fëmijëve të tyre për të mos u prekur nga “sëmundja e kohërave modern”.
Lajme të tjera
-
Fizioterapistja Klejda Tani: Ja këshillat që duhet të ndjekin prindërit për qëndrimin e fëmijëve të tyre, për të evituar skoliozën dhe hiperkifozën
22 Shtator, 08:24
-
Skolioza, Koçiu: Program në shkolla për depistimin e hershëm te fëmijët 6-10 vjeç
4 Shtator, 13:31 -
Prostitucion në klinika fizioterapie! Fizioterapistët në Kuvend: Qendrat estetike nuk kontrollohen! Të dalim nga Urdhri i Infermierit
16 Korrik, 21:14
-
Ulet mosha mesatare e fëmijëve të prekur nga skolioza! Fizioterapisti: Ndikon teknologjia dhe çantat e shkollës
10 Qershor 2023, 16:48
-
A uleni këmbëkryq? Kujdes, kjo po ju dëmton shëndetin
27 Mars 2023, 21:31 -
Kujdes çantat e rënda të shkollës, rrezik nga skolioza! Fizioterapisti: Çanta të peshojë sa 10% e peshës trupore të fëmijës
11 Shtator 2022, 21:11
-
Qershori muaji i ndërgjegjësimit për skoliozën, mjekët: Duhet ekzaminim i hershëm dhe aktivitet sportiv! 50% e fëmijëve me deformime të shtyllës kurrizore
1 Qershor 2022, 17:25
-
Skolioza, më shumë të prekur/ Fizioterapistja Majlinda Koca: Ja si mund të evidentoni shenjat tek fëmijët që në moshë të hershme
5 Maj 2021, 11:47 -
Post-COVID, virusi zbulon sëmundjet e fshehura! Fizioterapistja: Shtim i rasteve me dhimbje shpine (VIDEO)
15 Shkurt 2021, 18:59
-
Njihuni me Endrin, Roen dhe Enea, tre fizioterapistët te Infektivi në shërbim të pacientëve me COVID! Çomo: Jeni një vlerë e shtuar
6 Dhjetor 2020, 10:33 -
Dhimbje qafe, shpine apo mesi? Fizioterapisti tregon metodën që jep efekt të menjëhershëm, pa ilaçe dhe pa operacion (VIDEO)
13 Shtator 2020, 18:53
-
Fizioterapisti Endrit Mone: Katër ushtrimet e thjeshta që mund të bëni për përmirësimin e frymëmarrjes
17 Prill 2020, 11:13
