POP 5

Lajmet më të lexuara të 5 minutave të fundit

Kronikë

Sport

Flakadanët në fushë dhe Mala në spitalin e Lushnjës, policia procedon dy tifozët e 'Tirona Fanatics'

Policia e Lushnjës ka proceduar penalisht dy tifozët e Tiranës pjesë e "Tirona Fanatics", të cilët të mërkurën hodhën në fushën e "Roza Haxhiut" flakadanë dhe mjete piroteknike.

Flakadanët në fushë dhe Mala në spitalin e Lushnjës, policia procedon dy tifozët e 'Tirona Fanatics'

Lëndimi i lojtarëve të Vllaznisë

Policia e Lushnjës ka proceduar penalisht në gjendje të lirë dy tifozët e Tiranës pjesë e "Tirona Fanatics", të cilët të mërkurën hodhën në fushën e "Roza Haxhiut" flakadanë dhe mjete piroteknike, të cilat sollën lëndimin e tre lojtarëve të Vllaznisë në momentin që këta të fundit po festonin golin e katërt.

Pas lëndimit, Mala mori ndihmë të specializuar në spitalin e Lushnjës, ndërkohë që Vllaznia reagoi më vonë duke thënë se pati probleme me dëgjimin. Sipas njoftimit të policisë, tifozët janë dy 19-vjeçarë.

Njoftimi i policisë:

Lushnjë/Hodhën lëndë piroteknike në stadiumin "Roza Haxhiu", gjatë një ndeshje futbolli, procedohen penalisht 2 shtetas.

Specialistët për Hetimin e Krimeve të Komisariatit të Policisë Lushnjë, në përfundim të veprimeve hetimore dhe procedurale, për një rast të hedhjes së lëndëve piroteknike në stadiumin "Roza Haxhiu", gjatë ndeshjes së futbollit “Tirana-Vllaznia”, të zhvilluar ditën e djeshme, referuan materialet në Prokurori, ku nisi procedimi në gjendje të lirë për shtetasit:

-A. M., 19 vjeç dhe K. Ll., 19 vjeç, të dy banues në Tiranë.

Nga hedhja e lëndës piroteknike u dëmtua lehtë, një futbollist i ekipit të Vllaznisë.

Materialet procedurale i kaluan Prokurorisë, për veprime të mëtejshme, për veprat penale “Veprime të dhunshme në aktivitetet sportive” dhe “Prishja e qetësisë publike”.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ironia e Spahiut: Partitë të mos shkruajnë programe, sepse populli nuk i lexon dhe harxhoni letra kot

Ironia e Spahiut: Partitë të mos shkruajnë programe, sepse populli nuk i lexon dhe harxhoni letra kot

31 Tetor, 23:02