Për shkak të rritjes së fluksit të pacientëve me COVID, është hapur pavioni i tretë i spitalit COVID-3.
Siç lajmëron ministria e Shëndetësisë, ky pavion ka në dispozicion rreth 35-50 shtretër. Brenda javës pritet të hapet edhe spitali COVID-4 për të përballuar fluksin në rast se do të ezaurohen kapacitetet. Report TV disa ditë më parë ka bërë një "vëzhgim" në ambientet e spitalit COVID-4, i cili është gati për pritur pacientet e infektuar me koronavirus.
COVID-4 do të ketë kapacitet për 100-110 pacientë fillimisht, dhe më pas në varësi të situatës mund të përballojë deri në 140. Ndryshe nga sa u tha në fillim, ky spital nuk do të jetë vetëm për ata që janë në gjendje të mirë shëndetësore. Në katin e parë të këtij spitali, ndodhën 10 shtretër të cilët do të shërbejnë për terapinë intensive.
Pacientët që më parë merinin trajtim tek spitali “Shefqet Ndroqi” kur nuk ishte kthyer ne një spital COVID, tashmë janë transferuar te mjeksia interne në QSUT.
Shifrat e COVID në vendin tonë janë çdo ditë në rritje, pasi kemi parë rekord pas rekordi çdo ditë. Dje janë shënuar 737 raste të reja dhe 13 humbje jete, duke regjistruar një rënie të lehtë nga shifrat e 2 ditëve më parë, kur u regjistrua një rekord 836 raste të reja me COVID-19 dhe 15 humbje jete.
Në total janë 32.196 raste pozitive me COVID në vendin tonë dhe 15.469 raste të shëruara. Që nga fillimi i pandemisë e kanë humbur betejën me COVID 685 qytetarë. Rastet pozitive në çdo qark janë: Tiranë 8386; Durrës 1184; Elbasan 744; Fier 1204; Korçë 888; Vlorë 769; Shkodër 856; Lezhë 660; Berat 487; Kukës 325; Dibër 133; Gjirokaster 406.
Qendra Spitalore Universitare “Nënë Tereza” përmes një komunikimi të nëndrejtoreshës së QSUT, Arjana Strakosha bën me dije se është gati pavioni i tretë në spitalin Covid3.
“Sikurse e shihni kemi kapacitete shtretërisht të lirë për t’u shërbyer qytetarëve. Në gjendje të gatshme për të pritur të gjitha llojet e stadeve të sëmundjeve, me investimet përkatëse”, tha Strakosha.
Strakosha shpjegon se në skenarët e parashikuar, në gjendje për të pritur të sëmurët është dhe Covid4. pasi të mbushen gjithë kapacitetet e Covid1, Covid2 dhe Covid3. Ajo ka bërë një apel për qytetarët për të respektur rregullat e vendosura për të shmangur fluksin në spitale dhe për ta përballuar sa më lehtë fluksin e pacientëv.
“Nga na tjetër për të eleminuar pikërisht dyndjen të sëmureve drejt spitaleve, u bëj edhe njëherë thirrje qytetarëve të zbatojnë me rigorozitet rregullat. Nuk është sëmundje e lehtë. Nuk është shaka. Duhet ruajtur distancimi, duhe të evitohen festat, duhet të evitohen baret, duhet të evitohen ditëlindjet, pra shumë gjëra që tashmë i dimë. Në këtë mënyrë, ne të gjithë luftojmë sëmundjen, edhe e përballojmë akoma më lehtë, pikërisht edhe fluksin e pacientëve të cilët kanë nevojë për hospitalizim”, apeloi Arjana Strakosha.
Pavioni i tretë i spitalit Covid3 ka një kapacitet 50 shtretër ndërsa totali i shtretërve në spitalin Covid3 është 150. Në total në 4 spitalet Covid janë 550 shtretër. Sipas strategjisë së vjeshtë dimrit të hartuar nga Komiteti Teknik i Ekspertëve, është parashikuar dhe hapja e disa spitaleve rajonale për trajtimin e pacientëve Covid, nëse do të jetë e nevojshme, duke konsideruar dinamikën e situatës.
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
