Ish-ministri i Drejtësisë Ylli Manjani, edhe pse është tërhequr nga politika dhe nga strukturat e LSI, vazhdon të jetë shumë aktiv në sulmet e tij ndaj qeverisë dhe kryesisht ndaj Edi Ramës.

Sot ai shkruante në Facebook, se debatet që ka ndërmarrë kohët e fundit Rama me mediat, si dhe me shtetet fqinje, kanë qenë një përpjekje e këtij të fundit për të fshehur përgjëgjësinë e tij direkte lidhur me kanalizimin e vendit.

Nga fotot e fundit që ka publikuar Manjani që kur i është rikthyer zantit të avokatit, të bie në sy se ai i ka hyrë një jete tërësisht të re.

Duke kërcyer me veshje popullore, apo duke udhëtuar i veshur sportiv me një bandanë në kokë si motorist, ky duket se është stili i ri i jetesës për ish-deputetin dhe ish-bashkëpunëtorin e Edi Ramës në kohët kur PS ishte në opozitë.

Por ka edhe më.

Në një foto të publikuar prej tij më 27 tetor 2017 (siç mund të shihet në foto-galerinë e mëposhtme), duket dora e një gruaje që mban në dorë ndoshta një prezervativ me foton e presidentit të Rusisë Vladimir Putin, ku shkruhet “Put In”, që do të thotë “Vendoseni.”

Manjani shkruan me ironi në foto: “Të mbrohesh nga Rusët, apo të mbrohesh me Rusët?! Kjo është çështja...”.

Pak kohë më parë, ish-kolegu i Manjanit te LSI, Sekretari i Përgjithshëm i kësa partie, Luan Rama, u fotografua gjatë një takimi me vetë Vladimir Putinin.

Me sa duket, që nga ai moment, hapja e njerëzve të LSI apo pranë saj ndaj presidentit që sundon me autoritarizëm ka ardhur në rritje.

[gallery]24664[/gallery]

s.k/Shqiptarja.com