Françeska & Ermali: Jemi të lumtur, nuk jemi ndarë

Modelja e realtity shout Big Brother Albania, Françeska Jaçe ka përgënjeshtruar lajmin se është ndarë nga i dashuri i saj, Ermal Merdani me të cilin krijoi një lidhje brenda shtëpisë së BB. Nëpërmjet një statusi në Facebook dhe disa fotografive të postuara, çifti konfirmon që janë bashkë dhe janë të lumtur.

“Besoj sa pas këtyre fotove u bë gjithçka e qartë dhe mesë mirë duket hapur që jemi bashkë tani dhe për shumë kohë... gazetat kanë filluar shpërdorojnë mirëbesimin që unë u jap, që këtej e tutje s’ka më intervista”, ka thënë Françeska.

Shumë portale kanë bërë me dije pak ditë më parë se çifti Ermal dhe Françeska i kanë dhënë fund lidhjes së tyre të dashurisë. Sipas tyre Ermali ka qenë në shoqërinë e vajzave në beach party, ndërkohë Franceska ka mbërritur aty, me një skaf ku ndodheshin një vajzë italiane me të dashurin e saj dhe një djalë muskulor, në shoqërinë e Françeskës.

Kjo e fundit në BB5 kishte deklaruar se para lidhjes me Ermalin, ka pasur një raport me një person i cili ndodhej në burg për trafik droge në Itali.

Su/ Shqiptarja.com