FRANCE- Shkencëtarët francezë kanë kryer teste në trupin e ruajtur mirë të një gruaje 359-vjeçare, e cila i përket shekullit të 17. Kufoma e gruas gjendet në qytetin veri-perëndimor të Rennes.

Shkencëtarët thonë se nga ekspertiza, besojnë se trupi i përket ‘Louise de Quengo’, një gruaje fisnike e cila vdiq në vitin 1656.

"Ne kemi marrë mostra të indeve të buta nga organet, gjë e cila është e paparë në arkeologji", tha mjeku ligjor Fabrice Dedouit.

Trupi i gruas gjendet i veshur, i mbuluar me një kapak. Gjatë zbulimit të kufomës në vitin 2014, janë gjetur edhe një palë këpucë të zonjës, të cilat ndodheshin brenda varrit.

Trupi i zonjës u zbulua në një kantier ndërtimi, ku po punohej për hapjen e një qendre konventash.


Redaksia Online
(d.a/Sqhiptarja.com)