Baza e planit ekonomik të PD-së për të ardhur në pushtet është rivendosja e taksës së sheshtë 9%. Lulzim Basha në një postim në rrjetet sociale paralajmëron heqjen e taksës progresive të vendosur nga qeveria socialiste kur erdhi në 2013 dhe rikthimi te taksa e sheshtë që vendosi Berisha kur ishte në pushtet.  

Për liderin demokrat, me taksën e sheshtë përfitojnë të gjithë dhe rritet fuqia blerëse. "Me taksën e sheshtë 9% do të përfitojnë të gjithë të punësuarit si në sektorin privat ashtu edhe në atë publik, dhe do të rritet fuqia blerëse e shqiptarëve" shkruan Basha.

Pak ditë më parë kryedemokrati bëri publike pikat kryesore të planit ekonomik të PD-së që sipas liderit demokrat do të jenë; ulja e taksave, thithja e investimeve të huaja, bashkëpunimi me biznesin, respektimi i sigurisë juridike, implementimi i taksës së sheshtë 9%, eliminimi i lejeve, licencave dhe autorizimeve.

Postimi i plote i Lulzim Bashes me shpjegimin per taksen e sheshte