POP 5

Lajmet më të lexuara të 5 minutave të fundit

Politikë

Fushata për kreun e PD/ Basha ‘rikthim’ me teza të vjetra! ‘Zgjon’ Aleancën Qytetare për Demokracinë

Rikthimin në krye të Partisë Demokratike, tashmë thuajse të vulosur, Lulzim Basha po e bën me teza të vjetra. Krahas vettingut të politikanëve e listave të hapura, ai artikuloi idenë e një aleance me intelektualë për forcimin e PD-së, të quajtur “Aleanca Qytetare për Demokracinë”. Por edhe kjo nuk është një ide e re, por një organ i përcaktuar edhe në statutin aktual të PD. 

Një shans i ri për Lulzim Bashën, për të drejtuar sërish Partinë Demokratike, nuk po përkthehet në ide të reja të ish-kryedemokratit për rrugën që do të ndjekë e djathta për t’u kthyer në alternativë qeverisëse.  Rishfaqja e tij në politikë pas 1 viti pauzë, u bë me platformën e vjetër të vettingut të Politikanëve, listave të hapura dhe kufizim të mandateve të kryeministrit. 

Edhe fushatën po e zhvillon po njëjtë, me konceptet e vjetra, aty ku e la një vit më parë. Nga njësia 2 ku zhvilloi një takim për fushatën e 29 korrikut, Lulzim Basha artikuloi idenë e një aleance me intelektualë për forcimin e PD-së, të quajtur “Aleanca Qytetare për Demokracinë”. Por edhe kjo nuk është një ide e re, por një organ i përcaktuar edhe në statutin aktual të PD, strukturë që gjithsesi fle vetëm në letra dhe nuk u ngrit kurrë. 

“Sot ne kemi përgjegjësinë të japim një model tjetër në politikbërjen e vendit, që ka në fokus shpresat dhe ëndrrat e njerëzve, jo hallet e pak politikanëve. Aleancë Qytetare për Demokracinë, do të jetë koalicioni ynë për të çliruar ekonominë dhe për të çuar përpara ndryshimet kushtetuese që do të zhbëjnë ato të 2008-ës” tha Lulzim Basha në rrjetet sociale, vendi i vetëm ku ka zgjedhur të shpalosë takimet e tij për fushatën e rikthimit në krye të PD", shkruan Basha.

Aleanca Qytetare për Demokracinë sipas ndryshimeve të bëra në statutin e PD, në Kuvendin e 18 dhjetorit, është një organizatë partnere që përbëhet nga intelektualë që jo domosdoshmërish duhet të jenë anëtarë partie, por duhet të jenë në të paktën 10% e të posteve drejtuese në parti.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mario: 01/07/2023 18:32

    mund ti pranoj vetem vetingun e politikaneve per kufizim mandati si Bolsonaro ne Argjentine ne rast denimi me vendim te formes se prere po kjo e listave te hapura eshte gomarlliku me i madh do ishte me mire te korrektohet vota ne proporcional ne 3 ose 4 kolegje zgjedhore nga 1 me 12 qarqe se keto lista te hapura si te ishin konkurse ne administrate

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kryeministri Rama viziton Romën të hënën për prezantimin e ‘Giro d'Italia’! Nuk ka konfirmim për takim me Melonin

Kryeministri Rama viziton Romën të hënën për prezantimin e ‘Giro d'Italia’! Nuk ka konfirmim për takim me Melonin

10 Janar, 22:02