POP 5

Lajmet më të lexuara të 5 minutave të fundit

Kronikë

Gara për kreun e ri të Policisë së Shtetit, emri sot tek kryeministri Rama! Ministri Hoxha: Do publikojmë listën e pikëzimeve të 11 kandidatëve

Ministria e Brendshme njofton se sot do publikohet në faqen e saj lista me 11 emrat e kandidatëve sipas vlerësimit, nga kandidati me më shumë pikë tek ai i fundit. Po sot, ministri Ervin Hoxha do konfirmojë listën dhe emrat që do i dërgojë kryeministrit Edi Rama. Ja 6 kandatët favoritë

Prej mesjavës së kaluar, 11 kandidatët në garën për drejtor të Përgjithshëm të Policisë së Shtetit janë verifikuar, intervistuar dhe vlerësuar me pikë nga Komisioni Ad-Hoc i ngritur prej Ministrisë së Brendshme.

Por edhe pse pritej që ditën e premte të njoftohej dërgimi i listës me pikët e vlerësimit dhe renditja nga kandidati me më shumë pikë tek ai i fundit, si dhe propozimi i ministrit Ervin Hoxha për emrin e preferuar, kjo zyrtarisht do të ndodhë ditën e sotme.

Shkak i shtyrjes ishte vizita e kryeministrit Edi Rama në SHBA dhe axhenda e tij e ngjeshur. Vetë ministri Hoxha kishte njoftuar se do e bënte publik emrin dhe listën që do i dërgohej Qeverisë dhe sot konfirmohet se ai do e bëjë zyrtarisht vetë.

Po kështu nga momenti në moment, njoftohet se edhe Ministria e Brendshme do e publikojë listën e kandidatëve sipas nivelit të pikëve, në faqen e saj. 

Sipas ligjit të ri të hyrë në fuqi, pasi Komisioni nxjerr listën e pikëzimit, është ministri që përzgjedh emrin që i propozon kryeministrit Edi Rama, edhe pse pritet që të respektohet tabela e vlerësimit të pikëve për pasuesit e të dorëhequrit Muhamet Rrumbullaku.

Kryeministri më tej firmos dhe emëron kryepolicin e ri në mbledhjen e Këshillit të Ministrave, që është parashikuar për të mërkurën.

Ndër kandidatët potencialë për të marrë drejtimin e Policisë së Shtetit, referuar karrierës së tyre, eksperiencës dhe procesit të Vettingut, janë; Pëllumb Seferi, Ardian Çipa, Rebani Jaupaj, Ilir Proda, Skënder Hitaj dhe emra të rinj si Altin Mena.

11 kandidatët në garë:

1. Adriatik Tafçiu - Shef Sektori, DPPSH
2. Altin Mena – Zv/drejtor i DVP Lezhë
3. Ardian Çipa – Drejtor i DVP Gjirokastër
4. Gentjan Shehaj – Drejtor i Kurrikulave, Akademia e Sigurisë
5. Idajet Faskaj – Drejtor i Interpol
6. Ilir Proda – Drejtor i DVP Elbasan
7. Lutfi Minxhozi – Drejtor i Europol
8. Neritan Nallbati – Drejtor i Policisë Kriminale, DPPSH
9. Pëllumb Seferi – Drejtor i Marrëdhënieve Ndërkombëtare
10. Rebani Jaupi – Drejtor për Rendin dhe Sigurinë, DPPSH
11. Skënder Hitaj – Drejtor i DVP Durrës
 

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PD paralajmëron protesta, bllokim rrugësh e kaos në Kuvend, si e vlerësoni?

Lajme të tjera



×

Lajmi i fundit

Vrasja e Nasrallah/ Presidenti iranian Pezeshkian viziton selinë e Hezbollahut, kryeministri i Rusisë zbarkon në Teheran

Vrasja e Nasrallah/ Presidenti iranian Pezeshkian viziton selinë e Hezbollahut, kryeministri i Rusisë zbarkon në Teheran

30 Shtator, 15:05