Receta

Gatime nga zonja Albana, Qofte me salcë të kuqe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 27 Tetor 2021, 12:07 | Përditesimi: 27 Tetor 2021, 12:08

QOFTE ME SALCE TE KUQE

Përbërësit:

300-400 gr mish të grirë

Ndërgjegjësohen qytetarët, s’marrin antibiotikë pa recetë! Rekomandimet e mjekëve dhe farmacistëve në raste virozash: Konsumoni lëngje, shmangni kopshtet

LEXO EDHE:
Ndërgjegjësohen qytetarët, s’marrin antibiotikë pa recetë! Rekomandimet e mjekëve dhe farmacistëve në raste virozash: Konsumoni lëngje, shmangni kopshtet

2 qepë të thata

3-4 thelpinj hudhër

2 feta bukë

1 kokërr vezë

½ tufë majdanoz

½ tufë koper

2-3 domate

1 lgj salcë domate

2 lgj uthull

1 lgj miell

Vaj ulliri

Spec djegës

Gjethe dafine

Kripë, piper i zi

Përgatitja:

Fillimisht përgatisim qoftet. Bashkojmë mishin e grirë me qepën e grirë imët, vezën, fetat e bukës, majdanozin, koperën, specin djegës, kripën, piperin e zi, vajin e ullirit dhe uthullën (1 lugë). E punojmë mirë brumin e qofteve, e lemë të pushojë pak dhe më pas skuqim qoftet në tigan ose në furrë.

Ndërkohë përgatisim salcën e kuqe. Kaurdisim fillimisht qepën dhe pasi të marrë ngjyrë të kuqerremtë shtojmë domatet e grira në rende së bashku me 1 lugë gjelle salcë domate. Rregullojmë shijen me kripë, piper, pak sheqer, pak uthull, hudhra të shtypura dhe 1 gjethe dafine. E lemë salcën të marrë valë dhe nëse shikojmë që është pak e hollë shtojmë pak miell.

Në fund të procesit të gatimit vendosim qoftet e skuqura në salcën e kuqe. Qoftet me salcë mund t’i përgatisim dhe direkt në furrë.

MC/Shqiptarja.com

TAG: