Në mbledhjen e 36-të të Shteteve Palë në Konventën Ndërkombëtare për të Drejtat Civile dhe Politike më 14 qershor 2018, nëntë anëtarë të rinj u zgjodhën në Komitetin e të Drejtave të Njeriut, mes tyre edhe kandidati shqiptar, Profesor Dr. Gentian Zyberi. Komiteti për të Drejtat e Njeriut monitoron zbatimin e Paktit Ndërkombëtar për të Drejtat Civile dhe Politike, i cili ndër të tjera përfshin të drejtën e jetës, ndalimin e torturës dhe skllavërisë, të drejtën për lirinë dhe sigurinë e personit, të drejtën e lirisë së shprehjes, dhe shumë të drejta të tjera themelore që mbështesin një shoqëri demokratike.
Komiteti i të Drejtave të Njeriut përbëhet nga 18 ekspertë të njohur ligjorë me kompetenca të njohura në fushën e të drejtave të njeriut të cilët shërbejnë në kapacitet individual. Profesor Zyberi u emërua për këtë pozicion nga Shqipëria dhe zgjedhja e tij u bë e mundur në sajë të lobimit dhe përkushtimit të Ministrisë së Europës dhe Punëve të Jashtme dhe misionit të përhershëm të Shqipërisë në OKB.
Ai punon në Qendrën Norvegjeze për të Drejtat e Njeriut të Universitetit të Oslos, ku drejton programin e Masterit në të Drejtat e Njeriut. Profesor Zyberi ka bërë kërkim shkencor dhe ka dhënë mësim në një numër universitetesh në Holandë, SHBA, Kinë, dhe Shqipëri. Ai angazhohet në punën akademike dhe kërkimore në nivel kombëtar dhe ndërkombëtar. Përveç punës akademike, Profesor Zyberi është angazhuar në praktikën e së drejtës ndërkombëtare. Kështu, nga viti 2004 deri në vitin 2012 ai ka punuar me ekipet mbrojtëse në rastet kundër Limaj et al. dhe Haradinaj et al. para Tribunalit Penal për ish-Jugosllavinë. Në vitin 2009 ai ka qenë këshilltar ligjor dhe koordinator i ekipit ligjor shqiptar në rastin e Kosovës para Gjykatës Ndërkombëtare të Drejtësisë.
Zgjedhja e Profesor Zyberit është një njohje e punës së tij mbi të drejtat e njeriut dhe të drejtën ndërkombëtare, ndërkohë që reflekton edhe qëndrimin ndërkombëtar të Shqipërisë dhe angazhimin në rritje të saj në arenën ndërkombëtare. Profesor Zyberi është një ekspert i njohur për të drejtën ndërkombëtare dhe autor i botimeve të shumta në fushën e të drejtës ndërkombëtare dhe të drejtave të njeriut, përfshirë dhe një tekst mësimor universitar në të drejtat e njeriut në shqip.
Lajme të tjera
-
Dorëheqja e Elsa Toskës nga Gjykata Kushtetuese, Kuvendi shpall listën me 10 kandidatë (EMRAT)
30 Tetor, 15:15 -
Plot 150 000 dollarë në 6 muaj, Arben Ahmetaj në arrati pajton lobistë në SHBA
6 Shkurt, 12:30 -
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
