Nehat Kulla kërkon lirimin nga burgu, kur i ka mbetur edhe një vit për të vuajtur nga dënimi. Ai u arrestua 13 vite më parë, ndërsa u dënua me 20 vite, por pas disa uljesh, i kanë mbetur edhe 12 muaj, që kërkon ti vuajë në shtëpi. Pak javë më parë Kulla përmes avokatit i është drejtuar Gjykatës së Shkallës së Parë në Krujë me kërkesën për lirimin nga burgu. Lajmi konfirmohet për Report Tv nga avokati i tij, Detar Hysi.
I ashtuquajturi ‘Gjenerali’ që krijoi një ‘komisariat policie’ në Kinostudio në vitin 1997, përmes avokatit që ka përgatitur raportin kërkon lirimin me arsyetimin e sjelljes së mirë, por edhe problemeve me shëndetin. Kërkesa e Kullës, që po vuan dënimin në burgun e Fushë Krujës po gjykohet nga gjyqtarja Engjëllushe Tahiri.
Nehat Kulla u dënua për vrasjen e Halim Gjuzit, ish-shofer i ish-zv/ ministrit të Arsimit Halit Shamata. Ngjarja ndodhi më 29 korrik të vitit 1998 në Golem të Kavajës, në kohën kur Gjuzi po udhëtonte drejt Durrësit me gruan dhe fëmijët. Ai u arrestua në vitin 2005, ndërsa u dënua me 20 vite burg, por 5 vite iu ulën.
Banda e Nehat Kullës
Banda e Nehat Kullës ishte një grup kriminal që veproi në fshatin Tufinë të Tiranës në vitet 1997-1998. Banda u krijua gjatë trazirave të vitit 1997. Në këtë situatë ai së bashku me familjarë e miq të tij mban të paprekur repartin “xhenios”, ndër të vetmit të padëmtuar gjatë sulmeve të popullsisë.
Kulla, së bashku me të ashtuquajturit ushtarë të tij, e mban repartin nën kontroll për disa kohë, duke i vënë vetës edhe nofkën gjenerali, emër të cilin ia pagëzuan të gjithë banorët e zonës për të cilët ai ishte njeriu më me influencë.
Madje, gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie, duke mos lejuar asnjëri të futej në hartën e vendit ku ai kishte ndikimin e tij. Banda e tij kreu shumë vrasje dhe krime të tjera të frikshme.
Nehat Kulla, ish-i forti i Tiranës në vitin e mbrapshtë 1997, do të vetëquhej ‘Gjenerali’ pasi kishte grabitur një kamionçinë ushtarake tip Shevrolet (Chevrolet) me targa ushtrie dhe sinjale policie dhe mbante veshur uniformë ushtarake.
Të paktën, atë kohë, i vetmi mjet i tillë që ndodhej në Shqipëri i përkiste Kullës, i cili madje ka pozuar për mediat me uniformë dhe kallashnikov në dorë. Ai shoqërohej gjithmonë nga një eskortë e armatosur me automatikë dhe vetë asnjëherë nuk e lëshonte automatikun nga dora.
Regjistrimi i shqyrtimit te kerkeses se Nehat Kulles
Komente
Lajme të tjera
-
I dënuar përjetë për ‘Masakrën e Lushnjës’, nis gjyqi në Apel për Laert Haxhiun! I pranishëm dhe Dumani, seanca shtyhet për më 23 Tetor
9 Tetor, 15:15 -
Akuzohet se dhunoi njerkën e tij, Apeli liron nga qelia Robert Kullën dhe e lë në arrest shtëpie
14 Qershor, 15:36 -
Akuzohet se ka dhunuar njerkën e tij, Gjykata e Tiranës vendos masën 'arrest në burg' për djalin e Nehat Kullës
3 Qershor, 12:51
-
Arrestohet djali i Nehat Kullës, dhunoi njerkën me urdhër mbrojtje! Shkak konflikti për vilën e ‘gjeneralit’ të bandës famëkeqe në Tiranë
1 Qershor, 09:43 -
Masakra e Lusnjës/ Babai i Laert Haxhisë shkon në GJKKO për përjashtimin e Detar Hysit! Caktohen dy avokatë të rinj për djalin e tij
1 Dhjetor 2023, 15:10 -
Masakra e Lushnjës në 2017, shtyhet seanca për Laert Haxhiun! Avokati Detar Hysi kërkon të heqë dorë nga mbrojtja, GJKKO: Sill prokurë
17 Nëntor 2023, 11:53
-
Ikën Detar Hysi, rokadë avokatësh në GJKKO për Laert Haxhiun! Caktohen dy të tjerë, shtyhet seanca
2 Nëntor 2023, 12:40 -
U dënua me 18 vite burg nga Apeli, Gjykata e Lartë nuk pranon ankimin e Laert Haxhisë
20 Shtator 2023, 11:56 -
Pamjet e bazës së armëve pranë vilës së Nehat Kullës! Ish-depo e ushtrisë në Tufinë, bazë e atentatorëve dhe grupeve kriminale
2 Prill 2021, 16:18
-
Historia si nëpër filma e Nehat Kullës, miku i kryeministrit dhe fundi pa 'lavdi' e tragjik i tij dhe i vëllait
17 Qershor 2020, 12:05
-
Pak kohë më parë la qelinë/ Kush ishte Nehat Kulla...'gjenerali' i bandës famëkeqe të '97 që vdiq sot
16 Qershor 2020, 09:06 -
Tiranë/ Njihej si 'gjenerali' i bandës në '97, ndërron jetë Nehat Kulla...ishte pozitiv me COVID-19, u infektua nga vëllai që vdiq disa javë më parë
16 Qershor 2020, 08:56
Rri o trim
PërgjigjuKeni harruar te thoni qe Komisar Edmond Koseni ne Elbasan ja nxorri qumshtin e nenes ketij bastardi vrases kur e arestoi megjithe eskorten e leshit. Pastaj ju bente postbllok pa hypur ne qaf krrabe cubave qe vinin e vizitonin. Ne kohen qe u vra shoferi, Hali Shamata ka qene minister i brendshem dhe vrasja nuk qe rastesore. I vellai i ketij vrau pa shkak komisionerin e Edi Paloqes ne zgjedhje. Ne ate kohe i mbeshteste Shpetim Idrizi sepse ishte me PS. Mallkuar qofshin amnistite qe bene keta dy here rresht duke nxjerre sa e sa kriminele nga burgu. Asnje dite mos ti falin, ti bej te plota ndyresira. Gjithe ato vrasje dhe del i lire mbas 12 vitesh, cfare skandali.
Përgjigju