Gjithë jetën një kampione, Klodiana Shala: Si e përjetova lajmin e mjekëve për të braktisur sportin në kulmin e karrierës

Gjithë jetën ka mbajtur mbi supe epitetin e një kampioneje. Dhe ajo ia ka dalë të jetë e tillë në jetë dhe në profesion.

Klodiana Shala erdhi  në “Esencë’ në një rrëfim për jetën dhe karrierën. Ajo e kujton veten si një fëmijë çapkën dhe energjik ndërsa  lidhja me sportin e ka shoqëruar  që prej kohës së shkollës. Më vonë talenti i saj bëri jehonë në mediat ndërkombëtare, por Klodiana rrëfen se nuk ka pasur mbështetjen e duhur nga shteti sikundër duhet ta ketë një sportist.

Motivi dhe pasioni që kishte për të bërë përpara në sport e ka ndihmuar të tejkalojë  çdo vështirësi gjatë viteve.

Një prej momenteve të vështira në karrierën e saj ishte tërheqja nga atletika për shkak të një ndërhyrjeje kirurgjikale nga dëmtimet në pistën e stërvitjes, Kushtet e vështira të stërvitjes ndër vite patën këtë pasojë, megjithatë atletja Klodiana Shala kur kthehet pas, e kujton rrugën e saj në sport si një mision të kryer. Ajo kujton marrëdhënien e ngushtë dhe përmbushëse me të atin, prej të cilit ka marrë shumë tipare karakteri.

“Im atë ka qenë njeriu me të cilin kam ndarë çdo gjë timen”-tregon ajo.

Një pjesë e jetës së saj ka qenë edhe përfshirja në politikë dhe për shkëputjen e shpejtë ,Klodiana thotë se ishte pasojë e kompromiseve që nuk bën dot për hir të politikës. Ndërsa përditshmëria dhe jeta e saj është e lidhur ngushtë me kafshët, një dashuri pa kushte që ajo e ka jetuar në praninë e tyre, në çdo fazë të jetës së saj.

G.MO/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Kandidatja për ambasadore, Malo: Duhet të avancohet me hapjen e ambasadës së Kanadasë në Tiranë

Kandidatja për ambasadore, Malo: Duhet të avancohet me hapjen e ambasadës së Kanadasë në Tiranë