POP 5

Lajmet më të lexuara të 5 minutave të fundit

Kronikë

GJKKO dënon 2 gra për ushtrim të ndikimit të paligjshëm, por ua fal izolimin pas gjykimit të shkurtuar (EMRAT)

Prej vitit të kaluar procedoheshin për të njëjtën akuzë. Dënimet me 2 dhe 1 vit kthehen në 4 vite shërbim prove dhe pushim i dënimit, edhe pse u shpallën fajtore. Një prej grave përjashtohet edhe për 5 vite nga administrata

GJKKO dënon 2 gra për ushtrim të ndikimit të paligjshëm, por ua fal izolimin pas gjykimit të shkurtuar (EMRAT)

Gjykata e Posaçme

Tiranë- Gjykata e Posaçme e Shkallës së Parë për Korrupsionin dhe Krimin e Organizuar shpall fajtore dhe dënon 2 gra për ushtrim të ndikimit të paligjshëm, por për shkak të gjykimit të shkurtuar, ua ka konvertuar në shërbim prove dhe pushim të dënimit.

Fatjona Begolli mori 3 vite burgim, po për shkak të gjykimit të shkurtuar iu konvertua në 2 vite dhe përfundimisht në 4 vite shërbim prove, me kusht që të mos kryej krim tjetër, si dhe 5 vite përjashtim nga funksionet publike.

Kurse Lefteria Bushi u dënua me 1 vit burgim që u ul me një të tretën në 8 muaj dhe përfundimisht u pushua fare si dënim.

Vendimi u shpall sot (9 Janar) nga trupa gjykuese e përbërë nga gjyqtarët Elsa Ulliri, Flora Hajredinaj dhe Bib Ndreca.

Prokuroria e Posaçme kundër Korrupsionit dhe Krimit të Organizuar kishte dorëzuar për proces dosjen penale ndaj dy të pandehurave Fatjona Begolli dhe Lefteria Bushi, të akuzuara për veprën penale “ushtrimi i ndikimit të paligjshëm ndaj personave që ushtrojnë funksione publike”, për një çështje penale të nisur prej vitit të kaluar.

Procesi është zhvilluar me gjykim të shkurtuar, nga i cili të dyja të pandehurat përfituan ulje të dënimit pas shpalljes fajtore dhe përfundimisht konvertimin në shërbim prove dhe pushimin e dënimit respektivisht.

Kliko këtu për të lexuar dokumentin e plotë

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49