POP 5

Lajmet më të lexuara të 5 minutave të fundit

Kronikë

U kallëzua nga KLSH, GJKKO urdhëron SPAK: Hetoni ish-kryebashkiakun e Kavajës, Elvis Roshi

Gjykata e Posaçme Antikorrupsion i kërkoi sot SPAK-ut të që të hetojë ish-kryebashkiakun e Kavajës, Elvis Roshin, pas kallëzimit nga Kontrolli i Lartë i Shtetit. Sipas GJKKO, SPAK duhet të marrë dosjen që ndodhet pranë Gjykatës së Shkallës së Parë Durrës pasi kjo e fundit pushoi çështjen.

TIRANË- Gjykata e Posaçme ka marrë vendimin që dosja e ish-kryebashkiakut të Kavajës, Elvis Roshi, i akuzuar për shpërdorim detyre, t’i kalojë Prokurorisë së Posaçme

Kjo gjykatë ka shpallur të pavlefshëm vendimin e Gjykatës së Durrësit për pushimin e procedimit penal ndaj ish-kryebashkiakut të PS.

Për këtë arsye, GJKKO, me trup gjykues të përbërë nga gjyqtarja Rudina Palloj, vendosi që aktet t’i kalojnë SPAK për vijimin e hetimeve.

Bëhet fjalë për një çështje të nisur pas kallëzimit të KLSH, mbi auditimin e kryer gjatë Janarit të 2013- 2014, kur bashkia e Kavajës, drejtohej nga Elvis Roshi.

Në këtë auditim, u gjetën disa parregullsi në fushën e Urbanistikës dhe prokurimeve të fondeve publike me dëm ekonomik në vlerën 33 milion lekë.

Në 2015 KLSH denoncoi në prokurorinë e Durrësi, kryetarin Elvish Roshi për shpërdorim detyre, si dhe 10 vartës të tij, 2 drejtorë të Bashkisë, 2 ish-drejtor, 3 përgjegjës sektori dhe 3 punonjës të tjerë të këtij institucioni.

Rreth një vit më parë, Elvis Roshi u thirr në Prokurorinë e Posaçme ku dha dëshmi si person në dijeni të çështjes për të cilën kryheshin hetime.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hani i Hotit/ Kapet një 31-vjeçar i kërkuar nga drejtësia italiane, akuzohet për trafik narkotikësh

Hani i Hotit/ Kapet një 31-vjeçar i kërkuar nga drejtësia italiane, akuzohet për trafik narkotikësh

27 Prill, 13:27