Receta

Gjyveç me patate, recetë me shije fantastike nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 23 Prill, 12:04 | Përditesimi: 23 Prill, 12:06

Gjyveç me patate

Përbërësit:

500 gr mish
1.5 kg patate
4-5 lugë gjelle vaj
1 kokërr qepë
1 lugë salcë domatesh
Spec i kuq pluhur
Gjethe dafine
Kripë, piper i zi
Majdanoz

Përgatitja:

LEXO EDHE:
Pulë me oriz në furrë nga zonja Albana

Mishin e presim në racione dhe e kaurdisim së bashku me qepën. Më pas shtojmë pak salcë domate ose domate të grira hollë, kripë, piper, dafinë, ujë sa të mbulohet mishi dhe e lëmë të ziejë në zjarr të ngadaltë. Ndërkaq përgatisim patatet, të cilat pasi i kemi pastruar i presim në feta të rrumbullakëta me trashësi 1 cm dhe i skuqim lehtë me pak yndyrë. Në një tavë vendosim thelat e mishit, mbi to patatet, kripë, piper, pak spec të kuq dhe në fund lëngun e mishit. Tavën e vendosim në furrë për gjysmë ore. Pasi është pjekur e servirim gjyveçin në pjatë duke e spërkatur me lëngun e vet dhe me majdanoz të grirë hollë.

MC/Shqiptarja.com

TAG: