Goditën gardianët në burgun e Peqinit, jepen masat për 3 të paraburgosurit! Konsiderohet regjimi i rreptë 41/BIS

Një ditë pas incidentit të ndodhur në burgun e Peqinit, ku tre të paraburgosur goditën punonjësit e policisë dhe nuk zbatuan rregulloren e orarit të përcaktuar për tu futur në qeli, IEVP Peqin ka marrë masa kundrejt tyre, përfshirë referimin e çështjes në prokurori dhe vlerësimin e regjimit të rreptë 41/BIS.

Ndaj të paraburgosurve Kastriot Likja, Arlind Daja, Kreshnik Ibraliun u morën këto masa:

• a) Përjashtimi i tyre të për 14 ditë nga çdo aktivitet i përbashkët në IEVP Peqin
• b) Përgatitja e praktikës për tre të paraburgosurit për kalimin e tiyre të veçantë në regjimin e veçantë për 90 ditë.
• c) Referimi i çështjes në prokurori për të tre të paraburgosurit
• d) Ka nisur vlerësimi nëse ndonjëri prej tre të paraburgosurve plotëson elementët për të kaluar në regjimin 41/BIS.

Regjimi 41/BIS është një regjim i rreptë, në kushtet e sigurisë së lartë. Thelbi i regjimit “41-bis” është nevoja për të penguar komunikimin e të burgosurve me njerëzit jashtë.

Ky regjim ka filluar të praktikohet në burgjet shqiptare në vitin 2020, dhe është huazuar nga sistemi i drejtësisë italiane pas deklaratës së prokurorit Antimafia, Federico De Raho, i cili kërkoi bllokimin e lidhjeve me jashtë të krerëve të grupeve kriminale.

Më 4 gusht, 3 te paraburgosurit në burgun e Peqinit nuk i janë bindur gardianëve të cilët ndërhynë për ti qetësuar dhe i kanë goditur. 

D.GJ/G.MO/Shqiptarja.com

TAG:
• Kreshnik Ibraliu
• arlind daja
• kastriot likja
• burgu i peqinit
• Elbasan
• peqin
• IEVP