Arsenali ka marrë biletën e mbetura për të qenë pjesë e gjysmëfinaleve të EFL Cup, ose siç e njohin në Angli, Carabao Cup. "Topçinjtë" e Mikel Artetas kaluan pas penalltive Crystal Palace në fazën çerekfinale, me kohën e rregullt që u mbyll 1-1 në "Emirates".

Ndeshja u zhbllokua vetëm në minutën e 80-të. Arsenali kaloi në epërsi me autogolin e Maxence Lacroix, por Crystal shpëtoi pa pësuar gol më herët edhe falë formës së mirë të portierit Benitez.

Kur u duk se gjithçka do fliste për vendasit, në minutën e fundit shtesë (90+5') Marc Guehi vendosi ekuilibrin për 1-1. Skuadrat iu drejtuan pikës së bardhë të penalltisë, nga ku u regjistruan 16 gjuajtje.

Ishte Arsenali që fitoi 8-7, teksa penalltia e gabuar për miqtë erdhi nga ai që shënoi autogolin, Maxence Lacroix. Me të vërtetë një mbrëmje jo e mirë për qendërmbrojtësin e Crystal Palace.

Kështu, Arsenali do përballet me Chelsean në gjysmëfinale, ndërsa çifti tjetër është Newcastle - Manchester City.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera