POP 5

Lajmet më të lexuara të 5 minutave të fundit

Politikë

Grabitja në Rinas, Basha: Jemi në emergjencë, ejani të rrëzojmë Ramën të shtunën

Kryetari i Partisë Demokratike, Lulzim Basha ftoi qytetarët që të bashkohen në tubimin e 13 prillit ditën e shtunë përpara Kryeministrisë për të protestuar kundër qeverisë Rama, e cila sipas tij është e lidhur me krimin.

Kryetari i Partisë Demokratike, Lulzim Basha ftoi qytetarët që të bashkohen në tubimin e 13 prillit ditën e shtunë përpara Kryeministrisë për të protestuar kundër qeverisë Rama, e cila sipas tij është e lidhur me krimin. Ai tha se që nga protesta e parë e opozitës në datë 16 shkurt janë shoqëruar 114 protestues dhe janë arrestuar 52 të tjerë duke akuzuar se policia nuk e ka mendjen për të luftuar krimin, por popullin. Super grabitja në Rinas ditën e djeshme është një arsye më shumë sipas Bashës për të protestuar.

"Vrasjet, tritoli dhe grabitjet me armë në mes të ditës po tronditin cdo ditë sigurinë e njerëzve në mes të qyteteve. Policia po përdoret për të luftuar popullin dhe njerëzit e pafajshëm. Nuk ka asnjë përpjekje për të luftuar krimin, vrasjet dhe grabitjet në mes të ditës. Kur në Rinas, që është zona me sigurinë më të lartë në vend kryhet grabitje me armë në mes të ditës, cdo kush e kupton në cfarë niveli është policia, rendi dhe siguria.

Shqipëria është bërë qendër e krimit dhe bazë operacionesh. Po nxitet pastrimi i parave të krimit. Arsyeja e rënies së shtetit është pakti mes krimit dhe qeverisë ilegjitime. Dhënia fund e këtij regjimi është emergjencë kombëtare, prandaj protestojmë të shtunën. Rruga e vetme për të kthyer shtetin është bashkimi i të gjithë shqiptarëve kundër krimit" deklaroi ai. Dje u grabitën 10 mln euro në aeroportin e Rinasit.

DEKLARATË E KRYETARIT TË PARTISË DEMOKRATIKE, LULZIM BASHA

Të dashur bashkëqytetarë, 

Dy ngjarje në një hark kohor prej më pak se 12 orësh ditën e djeshme janë dëshmi se shteti ka rënë. Se sot Shqipëria nuk ka rend publik dhe siguri. Se policia është kthyer në një bandë që për pushtetin ilegjitim të marrë me krimin i ka lënë dorë të lire krimit dhe po dhunon në mënyrë shtazarake qytetarët.

Dje në orën 05: 30 të mëngjesit, policia hyri nëpër banesat e banorëve në fund të “Bulevardit të Ri” dhe hodhi gaz lotsjellës brenda shtëpive ku ishin të pranishëm edhe të mitur nga mosha 3 vjeç e sipër.

Nga përplasja mes banorëve në mbrojtje të shtëpive të tyre 3 qytetarë përfunduan në spital ndërmjet të cilëve një 76 vjeçar me çarje në kokë që u operua, një grua me thyerje këmbe dhe një tjetër grua me fraktura. 

10 qytetarë u shoqëruan në polici, të gjitha gra dhe 4 prej të cilave minorene përfshirë edhe një fëmijë 5 vjeç.

Që nga protesta e 16 shkurtit janë shoqëruar 114 qytetarë dhe janë arrestuar 52.

Policia po përdoret për vetëm një qëllim: luftën kundër popullit, luftën kundër njerëzve të pafajshëm që mbrojnë shtëpitë e tyre.

Në këto dy muaj është perdorur gaz helmues më shumë se në të gjithë historinë e Shqipërisë.

Ndërkohë nuk ka asnjë përpjekje për të luftuar krimin.

Vrasjet, tritoli dhe grabitjet me armë në mes të ditës po trondisin çdo ditë sigurinë në mes të qyteteve dhe rrugëve tona. 

I vetmi aktivitet kundër krimit është: policia shkoi në vendin e ngjarjes. 

Kur në Rinas, që është zona me sigurinë më të lartë në vend

kryhet grabitje me armë e avionit të linjes ndërkombëtare në mes të ditës, 

Çdokush e kupton fare mirë se në çfarë niveli është policia, se në çfarë niveli është katandisur rendi dhe siguria publike. 

Kjo ndodh kur Shqipëria është bërë qendër e krimit ndërkombëtar, sipas raportit të DASH, bazë operacionesh e rrjeteve kriminale ku jo vetëm nuk luftohet por po nxitet pastrimi i parave të krimit nga vetë qeveria me ndërtimet dhe projektet korruptive në ndërtim, inceneratorë, turizëm dhe PPP.

Arsyeja dhe shkaku kryesor i rënies së shtetit, i mungesës së sigurisë për jetën dhe pronën e qytetarëve është pakti mes krimit dhe qeverisë ilegjitime të ardhur në pushtet me ndihmën e krimit. 

Dhënia fund e këtij regjimi është sot emergjencë kombëtare. Prandaj protestojmë të shtunën me 13 prill në Tiranë.  

Rruga e vetme për zgjidhjen e kësaj emergjence kombëtare, për kthimin e shtetit si garantues të ligjit, rendit dhe sigurisë publike është bashkimi i të gjithë shqiptarëve në betejën kundër padrejtësisë, krimit dhe korrupsionit, për sigurinë, jetën dhe mirëqenien e çdo shqiptari.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilo: 11/04/2019 12:29

    Po per te cilen te shtune behet fjale ,se mos ndodh si me 16 qe su rezultoje numur me fat ha ha cna ben me qesh djale i mire ulu bej nje program qe tu mbushesh mendjen njerzve qe do vjedhesh me pak se nuk te komandon me Saliu dhe ndrysho kodin zgjedhor se deri tani je si peshku ne te thate.

    Përgjigju
  • Labi: 11/04/2019 11:31

    Po mir ja e rrezuam qeverin..ke do vem n krye Apo ty njeriu m negativ q ka vendi..kur t dal nje dial tamem na pd q mériton t jet n krye do vij populli t rrezoj qeverin Po per ty ne nuk vim asnjeher edhe pse jemi me PD

    Përgjigju
  • Dani: 10/04/2019 19:16

    Kur ka goj te flas dhe Zellensi i Saliut qe 3 her ju vjell banka e tropojes e skishte bythe as te ngre hetim kunder tyne Jam i sigurt qe PD i lutet zotit te ndollin sa me shum rremuja ne shqiperi qe te dal ne dark e te thot shihemi te sheshi

    Përgjigju
  • Free: 10/04/2019 16:56

    po pse ta rrezojne te tejret qe te perftosh ti. Ne cdo zyre qe funde hunded vetem skandale pate. Rruga Kombit, 21 Janari, ne bashki vetem e qelbe 4 vjet llum, flije gjum ne zyre. Ik or Lul ha noi qofte anej ka Birisha e mos derdellit kot

    Përgjigju
  • Tir: 10/04/2019 16:26

    Lulushja e 21 janarit apo i vjedhjes se rruges kombit edhte ky qe flet?! Je me i keq se ky tropojani i Sales, se po ti krahasosh shumat e vjedhura dhe nr e personave te vrare ti o Lulush je shume me lart.

    Përgjigju
  • Donal Memaiaj: 10/04/2019 15:43

    Hahhahahahahahaha erdha me prit.Çesht ky palaço more Amani.Me çdo gje do bej politik

    Përgjigju
  • Populli: 10/04/2019 15:40

    Llapni llapni ti debil i PD-se dhe ajo fallxhorja e LSI-se,e tha i GJATI ate te Rrokut do merrni.

    Përgjigju
  • CaBone: 10/04/2019 15:26

    Komplet idiot mashkull.

    Përgjigju
  • Toni Tirane: 10/04/2019 14:48

    U LUL bej nje here deklaraten e pasurise qe ke bere miliona duke punuar si perkthyes i NATOS ne Kosove. Mjaft i bere lavazh truri fatkeqeve dhe injoranteve qe te ndjekin pas duke shpresuar qe te kapin ndonje vend per te vjedhur prape.

    Përgjigju
  • Kafsha: 10/04/2019 14:45

    Doli dhe ky lo qja! Po Flamën dhe Palo qen ku i ke?

    Përgjigju
  • xreport: 10/04/2019 14:16

    do i hash ate qe nuk thuhet

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51