POP 5

Lajmet më të lexuara të 5 minutave të fundit

Bota

Greqi/ Çmontohet organizata shqiptare e vjedhjes së makinave luksoze! I sillnin me targa false në vendin tonë, drejtuesi shqiptar u plagos (FOTO+VIDEO)

Drejtuesi është një 37-vjeçar nga Shqipëria, i cili në fund të gushtit 2023 është përfshirë në një konflikt të armatosur dhe si pasojë mbeti i plagosur rëndë. Lidhur me aktivitetin e tyre, anëtarët e organizatës zakonisht lëviznin natën në zona të ndryshme të Atikës, duke kërkuar makina luksoze

Një tjetër operacion kundër krimit ekstrakomunitar është ndërmarrë nga policia greke. 

Policia njoftoi sot (19 Dhjetor) se ka goditur një grup kriminal që vidhte makina në shtetin fqinj dhe më pas i eksportonin përmes kufirit greko-shqiptar me qëllim shitjen e tyre jashtë vendit.

Anëtarët e grupit vëzhgonin nëpër lagje kryesisht gjatë natës dhe vidhnin SUV luksoze të parkuara jashtë. Më pas i vendosnin targa false të shoqëruara me leje qarkullimi që korrespondonin me automjete të së njëjtës markë, model dhe ngjyrë dhe në fund i eksportonin përmes kufirit greko-shqiptar jashtë vendit me qëllim shitjen e tyre, shkruan media greke.

Drejtuesi është një 37-vjeçar nga Shqipëria, i cili në fund të gushtit 2023 është përfshirë në një konflikt të armatosur dhe si pasojë mbeti i plagosur rëndë. Lidhur me aktivitetin e tyre, anëtarët e organizatës zakonisht lëviznin natën në zona të ndryshme të Atikës, duke kërkuar makina luksoze.

Pasi identifikonin mjetet që dëshironin të vidhnin, me pajisjet që dispononin bënin të mundur hapjen dhe vjedhjen e tyre. Për hapjen e mjeteve përdoreshin pajisje teknike të posaçme, të cilat përdoren nga persona me njohuri teknike që kryejnë me profesionalizëm vjedhje automjetesh.

Bëhet fjalë për pajisje veçanërisht me vlerë, të cilat gjenden me vështirësi në Greqi dhe në shumicën e rasteve autorët i importojnë nga jashtë. Më pas ata i parkonin automjetet e vjedhura në vende të hapura, për t’u siguruar që në rast se kishin një gjurmues GPS, zbulimi i tyre nuk do t’i çonte autoritetet në gjurmët e anëtarëve.

Më pas, pasi konstatonin mungesën e një sistemi gjurmues, i zhvendosnin automjetet në një vend ku anëtarët e organizatës kishin akses, me trafik minimal policor, duke u siguruar kështu që të mos zbulohen nga oficerët patrullues. Më në fund, duke përdorur dokumente false që kishin hartuar tashmë, mjetet transportoheshin për në Shqipëri nga pika të ndryshme kufitare. Bashkëpunëtorët e tyre në Shqipëri më pas bënin regjistrimin e makinave, sipas videos së operacionit.

Duhet theksuar se Shqipëria nuk është vend anëtar i Zonës Shengen dhe për këtë arsye bazat e të dhënave shtetërore nuk kanë asnjë ndërlidhje. Kështu, një automjet që është deklaruar i vjedhur në Greqi mund të regjistrohet lirisht në Shqipëri. 37-vjeçari i dyshuar si drejtues ka koordinuar veprimet e anëtarëve të tjerë, është kujdesur për ruajtjen e mjeteve të vjedhura dhe ka rregulluar transportin e tyre deri në kufirin greko-shqiptar.

Më pas një bashkëpunëtor i tij ka marrë automjetet e vjedhura, në të cilat ka vendosur targat false dhe lejet e qarkullimit dhe në konsultim me drejtuesin e organizatës i ka transportuar ato për në Shqipëri. Më në fund, dy nga anëtarët e grupit mbanin rolin e “falsifikatorëve” të organizatës. Në veçanti, njëri prej tyre, si profesionist në industrinë e automobilave, siguroi numrat e duhur të regjistrimit për të maskuar çdo automjet të vjedhur me targa që do të përputheshin me një automjet të së njëjtës markë, model dhe ngjyrë.

I dyti, me përvojë shumëvjeçare profesionale në mbishkrime, ishte plotësisht në dijeni të specifikimeve të targave dhe prodhonte targa dhe dokumente false identike me ato origjinale.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Përplasje në Kuvend/ Noka shtyn Shehajn nga foltorja dhe i hedh telefonin në tokë: Mu hiq, po keqpërdoresh nga Rilindja

Përplasje në Kuvend/ Noka shtyn Shehajn nga foltorja dhe i hedh telefonin në tokë: Mu hiq, po keqpërdoresh nga Rilindja

19 Dhjetor, 14:50