POP 5

Lajmet më të lexuara të 5 minutave të fundit

Politikë

Kosova & Rajoni

Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë

Greqia do ta mbështesë Shqipërinë në përpjekjet e saj dhjetëvjeçare për t'u anëtarësuar në Bashkimin Evropian, por me kusht që ajo t’i respektojë të drejtat e pakicës greke në vend, tha të mërkurën kryeministri Kyriakos Mitsotakis, raporton Reuters. Mitsotakis u shpreh se rrugëtimi i Shqipërisë në BE përfshin përmbushjen e disa detyrimeve që vijnë nga e kaluara.

Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë

Kryeministri grek Kyriakos Mitsotakis sot në Janinë

Greqia do ta mbështesë Shqipërinë në përpjekjet e saj dhjetëvjeçare për t'u anëtarësuar në Bashkimin Evropian, por me kusht që ajo t’i respektojë të drejtat e pakicës greke në vend, tha të mërkurën kryeministri Kyriakos Mitsotakis, raporton Reuters.

Marrëdhëniet mes Athinës dhe Tiranës u përkeqësuan pasi Shqipëria e arrestoi politikanin e pakicës greke, Alfred Beleri, gjatë një fushate për zgjedhjet lokale në qytetin e tij të Himarës vitin e kaluar dhe e burgosi atë për blerje votash.

Beleri u lirua këtë vit pasi fitoi një vend në Parlamentin Evropian si kandidat i partisë konservatore të Mitsotakisit, Demokracia e Re.

Duke folur në nënshkrimin e një kontrate për një rrugë të re që lidh qytetin veriperëndimor grek të Janinës me fshatin shqiptar Kakavijë, Mitsotakis tha se Greqia gjithmonë ka ruajtur marrëdhënie të mira me fqinjën e saj në Adriatik.

“Kjo rrugë, pra, në thelb bëhet një urë miqësie, mes Greqisë dhe Shqipërisë dhe padyshim një urë që ka të bëjë në radhë të parë Pakica Kombëtare Greke. Ndaj do të thosha se ka edhe këtë vlerë të veçantë dhe të ndryshme, një shenjë kombëtare shumë intensive dhe e fortë të cilën do të kem kënaqësinë t'ua përcjell eksperiencën aktuale homologëve evropianë në pak orë nga tani kur të takohemi në Bruksel”, tha kryeministri grek.

Por, mbështetja e saj për përpjekjet e Shqipërisë për anëtarësim në BE varet nga shpejtësia e përmbushjes së detyrimeve të kahershme që lidhen me pronësinë dhe të drejtat e tjera të pakicës greke në Shqipëri, e cila është më e madhja në vend.

"Ekziston një rrugë e vazhdueshme e kushteve drejt Bashkimit Evropian, ku ne jemi në thelb rregullatorët e shpejtësisë me të cilën Shqipëria do të ecë drejt Evropës", tha Mitsotakis para se të udhëtonte për në Bruksel për samitin BE-Ballkan Perëndimor.

Shqipërisë, së bashku me Bosnjën, Kosovën, Malin e Zi, Maqedoninë e Veriut dhe Serbinë, u është premtuar anëtarësimi në BE vite më parë dhe ato janë në bisedime me BE-në për mënyrën se si të përshpejtojnë reformat e nevojshme, të cilat do t'i ndihmojnë përfundimisht të bëhen pjesë e bllokut me 27 vende.

''Dhe sa më shpejt që ajo të përmbushë detyrimet e saj, të cilat vijnë nga e kaluara, qofshin këto fjalë, z. Kryetar bashkie, qoftë për të drejtat e vetëvendosjes apo për të drejtat pronësore, aq më shpejt edhe ne do të biem dakord dhe do të mbështesim këtë kurs europian të Shqipërisë", vijoi më tej Mitsotakis.

Por, procesi ka ngecur, kryesisht për shkak të përparimit të ngadaltë në reforma dhe gjithashtu për shkak të mungesës së dëshirës nga shtetet anëtare të BE-së për zgjerim të mëtejshëm.

Shqipëria e hapi kapitullin e parë të negociatave për anëtarësim me Bashkimin Evropian në tetor, 15 vjet pasi kishte aplikuar për anëtarësim.

Ndërkohë, të mërkurën, pas një takimi me homologun e tij serb, Marko Gjuriç, në Athinë, ministri i Jashtëm grek, George Gerapetritis, tha se Greqia gjithashtu mbështet përpjekjet e Serbisë për t'u anëtarësuar në BE.

"Anëtarësimi i Serbisë në Bashkimin Evropian është një domosdoshmëri gjeopolitike", tha Gerapetritis.

G.K/a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 18/12/2024 18:48

    Mbështetja juaj është e kushtëzuar nga Gjermania e Franca, kur ata ju urdhërojnë, ju e rregulloni shpejtësinë sipas urdhërit. Ndryshe duhet pagu kësti.

    Përgjigju
  • Tahipi: 18/12/2024 18:01

    Këto kanë liqin e luftës hala na dashkan të mirën rraca e keqe

    Përgjigju
  • Epileshi: 18/12/2024 17:58

    Ore shiko popullin grek ne greqi dhe lere pakicen (“greke” greqishtfolse) ne shqiperi.

    Përgjigju
  • Endri: 18/12/2024 16:50

    Kush ua var ketyre ne BE?!!

    Përgjigju
    • Mara emigrante ne Itali: 18/12/2024 18:30

      Po qe se avrete nga Gergjia mos u futshim kure , keto pallavre qeveremi nga ju eshte nje shashke qe pd-istat e thone .

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

18 Dhjetor, 18:49