FIER- Grupi i Rithemelimit ka nisur procesin për zgjedhjen e kryetarëve të degëve të Partisë Demokratike në rrethe. Ditën e sotme është realizuar votimi për kreu e ri të degës Mallakastër. Në garë ishin Astrit Xhafaj dhe Resmi Shanaj, ku ky i fundit ka marrë 277 vota pro, 80 vota kundër dhe 12 vota të pavlefshme.
Zgjedhjet u zhvilluan nga ora 09:00 deri në orën 17:00, ndërsa dy kandidaturat u propozuan nga vetë strukturat e PD. Mallakastra është e para që voton.
Pas fitores Shanaj u shpreh se dera është e hapur për të gjithë demokratët. Deputeti Luan Baçi si i deleguar i Komisionit të Rithemelimit për qarkun Fier ka qenë prezent në këto votime.
Për këtë proces zgjedhor të nisur nga Sali Berisha ka ardhur edhe reagimi i PD-së së Enkelejd Alibeajt, ku akuzojnë Berishën se po vendos në krye të partisë në rrethe ish-funksionarë të LSI-së.
“Demokratët refuzojnë farsën e zgjedhjeve të Sali Berishës. Ato jo vetëm janë përjashtuese po në vend të tyre po zgjidhen në poste drejtuese ish-funksionarë të LSI. Njëri ndër ta është Santiliano Dule, i cili në zgjedhjet e 25 prillit, siç e tregon dhe statusi i tij, ka qenë pjesë e fushatës së kandidatit të LSI. Sot Sali Berisha ka injoruar kontributin e gjithë demokratëve të Beratit”, shkruan PD-ja ndër të tjera.
Prej kohësh është folur për nja bashkëpunim me Sali Berishës dhe Ilir Metës. Kjo edhe për faktin se LSI u shndërrua në mekanizmin kryesor të regjistrimit të “Shtëpisë së Lirisë” në zgjedhjet e 6 marsit.
Nën drejtimin e Sali Berishës, Komisioni i Rithemelimit zhvilloi pak ditë më parë një mbledhje në selinë e Partisë Demokratike, ku në fokus të takimit ishte riorganizimi që po bën Komisioni i Rithemelimit, në bazë dhe zgjedhjen e strukturave të reja vendore, nga anëtarët e kryesisë së degëve, deri te kryetarët e tyre. Ky proces i hap rrugë mbledhjes së Kuvendit të 30 prillit, ku do të zgjidhet Këshilli Kombëtar dhe Kryesia e partisë, por jo kryetari që do e drejtojë.
Komisioni i Rithemelimit të PD-së shkarkoi kryedemokratin Lulzim Basha në Kuvendin e 11 dhjetorit të vitit 2021, kuvend i cili u njoh nga gjykata, me vendimin e gjyqtarit Agron Zhukrit. Në të njëjtën ditë, pra me 11 dhjetor, u ngrit edhe Komisioni i Përkohshëm me 29 anëtarët për të nisur të gjitha procedurat e nevojshme për riformimin e PD-së. Ky Komision do ta ketë partinë në dorë deri në mbajtjen e Kuvendit të ri që do të zgjedhë kryedemokratin e ri dhe funksionarët e tjerë.
Komisioni i Organizimit dhe Kontrollit të Operacioneve Elektorale të Partisë Demokratike ka mbyllur procesin zgjedhor për kryetarin e degës së PD Mallakastër në bazë të parimit, një anëtar një vote.
Fitues është Resmi Bilbil Shanaj arsimtar. Shanaj mori 277 vota pro, 80 vota kundër dhe 12 vota të pavlefshme
Ajo pjesë e Partisë Demorkatike e cila tashmë po drejtohet nga Enkelejd Alibeaj, në një reagim në rrjetet sociale ka akuzuar Sali Berishës lidhur me zgjedhjet e bëra në rrethe.
"Demokratët refuzojnë farsën e zgjedhjeve të Sali Berishës. Ato jo vetëm janë përjashtuese po në vend të tyre po zgjidhen në poste drejtuese ish-funksionarë të LSI. Njëri ndër ta është Santiliano Dule, i cili në zgjedhjet e 25 prillit, siç e tregon dhe statusi i tij, ka qenë pjesë e fushatës së kandidatit të LSI. Sot Sali Berisha ka injoruar kontributin e gjithë demokratëve të Beratit, që kanë punuar e sakrifikuar për Partinë Demokratike dhe u ka emëruar kryetar grupseksioni në Berat nga LSI. Kjo është mënyra se si po veprohet kudo, përjashtuese dhe jo-përbashkuese", shkruhet në njoftim.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
MOS U DESHMONI, PER TE PAMARRUR VESH NE POLTIKE, KJO ESHTE PUNE KOTI "UJE NE HAVAN".BENU GADI,AMA PRITE EDHE PAK DITE METEN.
Përgjigju