POP 5

Lajmet më të lexuara të 5 minutave të fundit

Sociale

Gruri i Myzeqesë, kultivuesit: Prodhimi i mbarë, por jo çmimi! Grumbulluesit dhe fabrikat e miellit kërkojnë ta blejnë me 3 mijë lekë kuintalin

Në Divjakë ka nisur korrja e grurit, ku prodhimi këtë vit pritet të jetë 2700 ton. Kultivuesit thanë se shqetësimi mbetet çmimi i ulët. Grumbulluesit dhe fabrikat e miellit kërkojnë ta blejnë me 3 mijë lek për kuintal, një çmim që sipas tyre nuk justifikon as koston. Kultivuesit janë në dilemë për shitjen, pasi nuk kanë  magazina për ruajtjen e drithërave.

Përmirësimi i motit ka rikthyer korrjen e grurit në fushat e Myzeqesë. Fermeret e Grabjanit ne Bashkine e Divjakës këtë vit bujqësor kanë shtuar sipërfaqet e mbjella me këtë kulturë. Shqetësimi kryesor është çmimi i ulët. Aktualisht gruri në Grabjan shitet me 3 mijë lek për kuintal. Kultivuesit thanë se në mungesë të magazinave janë të detyruar ta shesin lirë tek grumbulluesit dhe fabrikat e miellit.

“Kemi problem për magazinimin, s’kemi ku e çojmë grurin, por ta shesim me këtë çmim ne nuk nxjerrim as shpenzimet. Ne duam ta shesim me 50 mijë lek kuintalin që të nxjerrim fitime. Shteti duhet të ndërhyjë është skema e TVSH që shteti mund ta rregullojë me grumbulluesit. Kemi bërë shpenzime të mëdha, që nga fara, plehrat, plugimi, frezimi dhe tani korrja. Të paktën ta shesim me 50 mijë për kuintal”, thanë fermeret.

Në këtë zonë në zemër të fushës së Myzeqese janë mbjellë rreth 609 hektarë me grurë. Sipas fermerëve prodhimi këtë vit është i mbarë, me një mesatare nga 40 deri ne 45 kuintale për hektarë. Në total, prodhimi i pritshëm këtë sezon në fushat e Myqezesë është rreth 2700 tonë grurë.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05